ചാത്തമംഗലം: കാർ ഇടിച്ച് കാൽനടയാത്രക്കാരിയായ സ്കൂള്‍ അദ്ധ്യാപിക മരിച്ചു.
കട്ടാങ്ങല് അല്‍ ഖമര്‍ ഇംഗ്ലീഷ് മീഡിയം സ്കൂള്‍ അദ്ധ്യാപിക പുള്ളാവൂർ കുന്നത്ത് അൻസാറിന്റെ ഭാര്യ റാബിയ ടീച്ചർ (43) ആണ് മരണപ്പെട്ടത്.
കട്ടാങ്ങൽ കൊടുവള്ളി റോഡിൽ പുള്ളാവൂരിൽ ഇന്ന് രാവിലെ 9 മണിയോടെയാണ്അപകടം. കൊടുവള്ളി ഭാഗത്ത് നിന്ന് അമിത വേഗതയിൽ വരികയായിരുന്ന എൻ.ഐ.ടി വിദ്യാർത്ഥികൾ സഞ്ചരിച്ച കാർ നടന്ന് വരികയായിരുന്ന അദ്ധ്യാപികയെയും. മകനെയും ഇടിച്ച് തെറിപ്പിക്കുകയായിരുന്നു.മകൻ അൻസിൽ മുഹമ്മദിന് നിസാര പരിക്കേറ്റു.
ഗുരുതര പരിക്കുകളൊടെ യുവതിയെ ഉടനെ മെഡിക്കൽ കോളേജ് ആശുപത്രിയില്‍ എത്തിച്ചെങ്കിലും വൈകിട്ട് 5 മണിയോടെ മരണപ്പെടുകയായിരുന്നു.
മക്കൾ: റജിനാ ഷറിൻ, റസ്ന ഫർബിൻ, അൻസിൽ മുഹമ്മദ്. മരുമക്കൾ: ഗഫൂർ മാനിപുരം, ഷബീർ കിഴക്കോത്ത്. സഹോദരങ്ങൾ:കമാലുദ്ധീൻ തലപ്പെരുമണ്ണ, മുഹമ്മദ് റഫീഖ് കാപ്പാട്, റസിയാബാനു തലപ്പെരുമണ്ണ.
മയ്യിത്ത് നിസ്കാരം നാളെ പുള്ളാവൂർ ജുമാ മസ്ജിദിൽ.
