കോട്ടയം: പെരുന്നാളിനോടനുബന്ധിച്ചു നടന്ന ലേലം കത്തിക്കയറിയപ്പോള്‍ ആരും കരുതിയില്ല, ഒരു പൂവന്‍കോഴിക്കു വില ലക്ഷം കടക്കുമെന്ന്.
എന്നാല് കോട്ടയം നട്ടാശേരി പൊന്‍പള്ളി സെന്‍റ് ജോര്‍ജ് യാക്കോബായ സുറിയാനി പള്ളിയിലെ പെരുന്നാളിന്‍റെ ഭാഗമായി നടത്തിയ കോഴിലേലത്തില്‍ ഇത് സംഭവിച്ചു. ലേലത്തില്‍ ആദ്യത്തെ കോഴിക്ക് ഒരു ലക്ഷത്തി പതിനായിരം രൂപ വരെയാണ് വില ഉയര്‍ന്നത്.
കോട്ടയം സ്വദേശിയും കോയമ്ബത്തൂരില്‍ സ്ഥിരം താമസക്കാരനുമായ മനോജ് മണ്ണൂരാണു കോഴി ലേലത്തില്‍ പിടിച്ചത്. ലേലത്തില്‍ ആദ്യത്തെ കോഴിക്ക് പൊന്നുംകോഴിയെന്ന പേരിലാണു ലേലം നടക്കുന്നത്.
മറ്റു കോഴികള്‍ക്ക് 10,000 രൂപയും 5000 രൂപയ്ക്കും വരെ ലേലം നടന്നതായി അധികൃതര്‍ പറഞ്ഞു.
മുന്‍ വര്‍ഷങ്ങളിലും ഉയര്‍ന്ന വിലയ്ക്കു ലേലം നടന്നിട്ടുണ്ടെങ്കിലും ഒരു ലക്ഷത്തിനു മുകളില്‍ വില ഉയരുന്നത് ആദ്യമാണെന്നു പള്ളി സെക്രട്ടറി ഷിജു ഏബ്രഹാം ചിറയില്‍ പറഞ്ഞു.
