റംസാൻ കിറ്റ് വിതരണം ചെയ്തു.
എരവന്നൂർ : എരവന്നൂർ സ്വദേശിയും വിദേശത്തെ പ്രമുഖ വ്യവസായിയുമായ ഷെയ്ഖ് റഫീഖ് അദ്ദേഹത്തിന്ടെ പിതാവ് നിട്ടൻ ചാലിൽ അബ്ദുൽ ഹമീദ് എന്നവരുടെ സ്മരണാർത്ഥം വര്ഷങ്ങളായി നടത്തി വരുന്ന റംസാൻ കിറ്റ് വിതരണം ശനിയാഴ്ച രാവിലെ എരവന്നൂർ മഅദനുൽ ഉലൂം മദ്റസയിൽ വെച്ച് നടന്നു.കോഴിക്കോട് ജില്ലാ പഞ്ചായത്ത് മെമ്പർ എം.എ. ഗഫൂർ മാസ്റ്റർ ഉദ് ഘാടനം ചെയ്തു.റിയാസ് കെ എരവന്നൂർ സ്വാഗതം പറഞ്ഞ ചടങ്ങിൽ ഷൗക്കത്ത് തച്ചേരി അധ്യക്ഷനായിരുന്നു. ചെറുവലത്ത് താഴം ജുമാ മസ്ജിദ് ഖത്തീബ് ആഷിക് മുസ്‌ലിയാർ,വാർഡ് മെമ്പർമാരായ സിന്ധു മോഹൻ,എം.ബി.ബിന്ദു,ജന പ്രതിനിധികളായ ഓമർ,കെ.സി.രാമൻ കുട്ടി,കെ.എം.അസീസ്,രാജൻ എം.എം,ഗാമൺ ഗ്രൂപ്പ് പ്രതിനിധികളായ ഷബീർ,ആഷിർ എന്നിവർ ആശംസകൾ അർപ്പിച്ച് സംസാരിച്ചു.റാഷിദ് പൊതു പരിപാടിക്ക് നന്ദി പറഞ്ഞു.ജാതി മത രാഷ്ട്രീയ സംഘടനാ ഭേദമന്യേ എരവന്നൂരിന്ടെ സർവ്വ മേഖലകളിലും വലിയ സാമ്പത്തിക സഹായം നല്കിക്കൊണ്ടിരിക്കുന്ന ഷെയ്ഖ് റാഫിയുടെ ഉടമസ്ഥതയിലുള്ള ഗാമ്മൺ ഗ്രൂപ്പിന്റെ കീഴിൽ ഇത്തവണ ആയിരത്തി അഞ്ഞൂറിലധികം വീടുകളിലേക്കാണ് റംസാൻ കിറ്റ് നൽകിയിരിക്കുന്നത്.
