കുടുംബശ്രീയുടെ വിനോദയാത്രാ സംഘം മധുരയില്‍ അപകടത്തിൽപ്പെട്ടു; മൂന്ന് പേർ മരിച്ചു
മധുരയിലുണ്ടായ ബസപകടത്തിൽ മൂന്ന് മലയാളികൾ മരിച്ചു. പാലക്കാട് കൊടുവായൂർ സ്വദേശികളാണ് മരിച്ചത്. കുടുംബശ്രീയുടെ നേതൃത്വത്തിൽ മധുരയിലേക്ക് പോയ ബസാണ് അപകടത്തിൽപ്പെട്ടത്. പുലർച്ചെ ഒന്നരയോടെയായിരുന്നു അപകടം.
ആകെ 35 പേർ ബസിലുണ്ടായിരുന്നുവെന്നാണ് വിവരം. കഴിഞ്ഞദിവസം രാത്രി മധുര, രാമശ്വേരം എന്നിവിടങ്ങളിലേക്ക് കുടുംബശ്രീയുടെ നേതൃത്വത്തിൽ വിനോദയാത്ര പോയതായിരുന്നു സംഘം. മധുരയിൽ എത്തുന്നതിന് മുൻപ് ബസ് നിയന്ത്രണംവിട്ട് മറിയുകയായിരുന്നുവെന്നാണ് വിവരം. അപകടവാർത്തയറിഞ്ഞ് കൊടുവായൂരിൽനിന്നുള്ള ബന്ധുക്കളും മറ്റും മധുരയിലേക്ക് തിരിച്ചിട്ടുണ്ട്.
