സംസ്ഥാനത്ത് പെട്രോള്‍ വിലയിൽ വര്‍ധനവ്
തിരുവനന്തപുരം: സംസ്ഥാനത്ത് ഇന്ന് പെട്രോള്‍ വില കൂടി. പെട്രോള്‍ ലിറ്ററിന് 19 പൈസ കൂടി 76.36 രൂപയിലാണ് വ്യാപാരം നടക്കുന്നത്. എന്നാൽ ഡീസൽ വിലയിൽ മാറ്റമില്ല. ഡീസൽ ലിറ്ററിന് 71.18 രൂപയിലാണ് വ്യാപാരം. കഴി‍ഞ്ഞ ദിവസം ഡീസൽ വിലയിൽ വര്‍ധനവ് രേഖപ്പെടുത്തിയിരുന്നു. ആഗോള വിപണിയിലെ വ്യതിയാനങ്ങളാണ് ആഭ്യന്തര വിപണിയിലും പ്രതിഫലിച്ചത്.
കേന്ദ്ര സര്‍ക്കാര്‍ എക്സൈസ് നികുതിയും സെസും വര്‍ധിപ്പിച്ചതിനെ തുടര്‍ന്ന് ഇന്ധനവില കുത്തനെ ഉയര്‍ന്നിരുന്നു. ഇന്ധന നിരക്കിൽ ഒരു രൂപ വീതം എക്സൈസ് നികുതിയും റോഡ് അടിസ്ഥാന സൗകര്യ സെസുമാണ് കേന്ദ്ര സർക്കാർ ചുമത്തിയിരിക്കുന്നത്. ഇന്നലെയും ഡീസൽ വിലയിൽ നേരിയ കുറവ് രേഖപ്പെടുത്തിയിരുന്നു.
തിരുവനന്തപുരത്ത് പെട്രോള്‍ ലിറ്ററിന് 76.36 രൂപയിലും ഡീസൽ ലിറ്ററിന് 71.18 രൂപയിലുമാണ് ഇന്ന് വ്യാപാരം നടക്കുന്നത്. കൊച്ചിയിൽ പെട്രോള്‍ ലിറ്ററിന് 75.03 രൂപയിലും ഡീസൽ 69.83 രൂപയിലുമാണ് ഇന്ന് വ്യാപാരം നടക്കുന്നത്. കോഴിക്കോട് പെട്രോൾ ലിറ്ററിന് 75.36 രൂപയും ഡീസൽ ലിറ്ററിന് 70.15 രൂപയുമാണ് ഇന്നത്തെ നിരക്ക്.
രാജ്യതലസ്ഥാനമായ ഡൽഹിയിൽ പെട്രോളിന് 73.08 രൂപയും ഡീസലിന് 66.24 രൂപയുമാണ് നിരക്ക്. രാജ്യവ്യാപാര തലസ്ഥാനമായ മുംബൈയിൽ പെട്രോളിന് 78.69 രൂപയും ഡീസലിന് 69.42 രൂപയുമാണ് വിലനിലവാരം.
