പെരുവയല്‍ - പെരുമണ്ണ ഗ്രാമപഞ്ചായത്തുകളെ വേര്‍തിരിക്കുന്ന തോട് വീതികൂട്ടി നവീകരിക്കണം:
പെരുമണ്ണ: പെരുവയല്‍ - പെരുമണ്ണ ഗ്രാമപഞ്ചായത്തുകളെ വേര്‍തിരിച്ച് മാമ്പുഴയിലേക്കൊഴുകുന്ന തോട് വീതികൂട്ടി നവീകരിച്ച് പ്രദേശത്തെ വെള്ളക്കെട്ടിന് പരിഹാരം കാണണമെന്ന് കോണ്‍ഗ്രസ് പെരുമണ്‍പുറ വാര്‍ഡ് കമ്മറ്റി യോഗം ആവശ്യപ്പെട്ടു. കോണ്‍ഗ്രസ് പെരുമണ്ണ മണ്ഡലം പ്രസിഡണ്ട് എം.എ പ്രഭാകരന്‍ ഉദ്ഘാടനം ചെയ്തു. കെ.ഡി.എഫ്(ഡി) സംസ്ഥാന പ്രസിഡണ്ട് ടി.പി ഭാസ്‌കരന്‍, കോണ്‍ഗ്രസ് പെരുമണ്ണ മണ്ഡലം ട്രഷറര്‍ പി.എം രാധാകൃഷ്ണന്‍, പെരുമണ്ണ 123-ാം ബൂത്ത് കമ്മറ്റി പ്രസിഡണ്ട് പി.പി അഹമ്മദ്‌കോയ, കെ.ആര്‍.ജുബീഷ്, പി. മനോജ് കുമാര്‍, ദാസന്‍ തുടങ്ങിയവര്‍ സംസാരിച്ചു. പുതിയ ഭാരവാഹികളായി കെ.ആര്‍.ജുബീഷ്(പ്രസിഡണ്ട്), പി. മനോജ്കുമാര്‍, ശാന്തകുമാരി(വൈസ് പ്രസിഡണ്ടുമാര്‍), പി.എം ഷാജു, കെ.എം. പീതാംബരന്‍(സെക്രട്ടറിമാര്‍), പി.പി അഹമ്മദ്‌കോയ(ഖജാന്‍ജി) തുടങ്ങിയവരെ തിരഞ്ഞെടുത്തു.
