സഞ്ജയ് കൃഷ്ണക്ക് വെളിച്ചവുമായി യു.ഡി.എഫ് പ്രവർത്തകർ.
മാവൂർ. നാടാകെ ഓൺലൈൻ പഠനത്തിൽ മുഴുകിയപ്പോൾ വൈദ്യുതിയെത്താത്ത തന്റെ വീട്ടിൽ വെളിച്ചമെത്തിയ ആശ്വാസത്തിലാണ് മാവൂർ പഞ്ചായത്ത് പതിനാറാം വാർഡിലെ ആയം കുളം നാലാം കണ്ടത്തിൽ സുമേഷിന്റെ മകൻ സഞ്ജയ് കൃഷ്ണ. സഹപാഠികൾ ടി.വി യും സ്മാർട്ട് ഫോണും ഉപയോഗിച്ച് പഠിക്കുമ്പോൾ മണ്ണെണ്ണ വിളക്കിന്റെ അരണ്ട വെളിച്ചത്തിൽ പഠിക്കേണ്ടി വന്ന സഞ്ജയ് കൃഷ്ണക്ക് മാവൂർ കൽപ്പള്ളിയിലെ യു.ഡി.എഫ് പ്രവർത്തകരാണ് ഓല മേഞ്ഞ വീട്ടിൽ വൈദ്യുതി എത്തിച്ചത്.ചെറൂപ്പ ജി.യു.പി സ്കൂളിലെ അഞ്ചാം ക്ലാസ് വിദ്യാർത്ഥിയായ സഞ്ജയ് കൃഷ്ണക്ക് അടുത്ത ദിവസം ഒരു ടി വി കൂടി നൽകുന്നുണ്ട് യു.ഡി.എഫ് പ്രവർത്തകർ.കുന്ദമംഗലം നിയോജക മണ്ഡലം മുസ്ലിം ലീഗ് സെക്രട്ടറി എൻ പി അഹമ്മദ് സ്വിച്ച് ഓൺ കർമ്മം നിർവ്വഹിച്ചു. സൈമോൻ പി.കെ, സജ്ജീവൻ, എം.ടി സലീം, മജീദ് പെരിങ്കോളിൽ, പി.പി അബ്ദുറഹിമാർ, പ്രസാദ്, ശുക്കൂർ ഇ, കൃഷ്ണൻകുട്ടി ,ബഷീർ കെ.എം തുടങ്ങിയവർ സംബന്ധിച്ചു.
