പെട്രോൾ ഡീസൽ വില വർദ്ധന: യൂത്ത്‌ലീഗ് ഓൺലൈൻ പ്രതിഷേധം
കട്ടാങ്ങൽ:ലോക്ഡൗൺ കാരണം സാമ്പത്തികമായി ജനജീവിതം പ്രതിസന്ധിയിൽ നിൽക്കുമ്പോഴും ദൈനദിനം വർദ്ധിച്ച് കൊണ്ടിരിക്കുന്ന പെട്രോൾ ഡീസൽ വില വർദ്ധനവിനെതിരെ ചാത്തമംഗലം പഞ്ചായത്ത് യൂത്ത് ലീഗ് ഓൺലൈൻ പ്രതിഷേധം മണ്ഡലം മുസ്ലിം ലീഗ് ട്രഷറർ എൻ.പി. ഹംസ മാസ്റ്റർ ഉദ്ഘാടനം ചെയ്തു,
നാളത്തെ പെട്രോൾ വില പ്രവചിക്കൂ സമ്മാനം നേടൂ. എന്ന തലക്കെട്ടിലാണ് പ്രതിഷേധം നടക്കുന്നത് ചാത്തമംഗലം പഞ്ചായത്ത് യൂത്ത് ലീഗ് കമ്മിറ്റി തയ്യാറാക്കിയ വെബ്സൈറ്റ് ലിങ്കിൽ കയറിയാണ് മത്സരത്തിൽ പങ്കെടുക്കെണ്ടത് പരിപാടിയിൽ യൂത്ത് ലീഗ് ജില്ലാ കമ്മറ്റി അംഗം ഹഖീം മാസ്റ്റർ കളൻ തോട്, മണ്ഡലം ട്രഷറർ കുഞ്ഞിമരക്കാർ, സെക്രട്ടറി സിറാജ് ഈസ്റ്റ് മലയമ്മ, പഞ്ചായത്ത് ജനറൽ സെക്രട്ടറി റസാഖ് പുള്ള നൂർ, വർക്കിംഗ് സെക്രട്ടറി റിയാസ് മലയമ്മ എന്നിവർ സംബന്ധിച്ചു.
