ഇ എം എസ് ഗവൺമെൻറ് ഹയർ സെക്കൻഡറി സ്കൂളിൽ ഓൺലൈൻ പഠനോപകരണങ്ങൾ വിതരണം ചെയ്തു
പുതിയ സാഹചര്യത്തിൽ വിദ്യാഭ്യാസ പ്രവർത്തനങ്ങളിൽ ഏർപ്പെടാൻ പ്രയാസപ്പെടുന്ന വിദ്യാർഥികൾക്ക് ഓൺലൈൻ ക്ലാസുകൾ ലഭ്യമാക്കുന്നതിന് വേണ്ടി തെരഞ്ഞെടുക്കപ്പെട്ട 31 കുട്ടികൾക്ക് ടി വി വിതരണം ചെയ്തു . പെരുമണ്ണ ഗ്രാമപഞ്ചായത്ത് നൽകിയ 15 ടി വി സെറ്റുകളും അതോടൊപ്പം സഹായിക്കാൻ തയ്യാറായ ഒരുപാട് വ്യക്തികളുടെയും സ്ഥാപനങ്ങളുടെയും കൂട്ടായ്മയിൽ നിന്നും ലഭ്യമായ പതിനാറ് ടി.വികളുമടക്കം 31 ടി.വികളാണ് ഇന്ന് ജില്ലാ പഞ്ചായത്ത് മെമ്പർ ശ്രീമതി സി.ഉഷ വിതരണം ചെയ്തത്. പ്രിൻസിപ്പൽ ശ്രീമതി സുഗതകുമാരി ടീച്ചർ സ്വാഗതം പറഞ്ഞ ചടങ്ങിൽ പി.ടി.എ പ്രസിഡണ്ട് ശ്രീ രാമകൃഷ്ണൻ മല്ലിശ്ശേരി അധ്യക്ഷനായി. ഹൈസ്കൂൾ പ്രധാനാധ്യാപകൻ മധുമാസ്റ്റർ റിപ്പോർട്ട് അവതരിപ്പിച്ചു. അനിൽ മാസ്റ്റർ, രാജേഷ് മാസ്റ്റർ ,പി.ടി.എ വൈസ് പ്രസിഡൻറ് സലീം, സുധീഷ് മാസ്റ്റർ എന്നിവർ സംസാരിച്ചു
