ചാത്തമംഗലം പഞ്ചായത്തിലെ പുതിയ വോട്ടർ പട്ടികയിൽ ജീവിച്ചിരിക്കുന്ന ആളുകൾ മരണപ്പെട്ടവരുടെ ലിസ്റ്റിൽ.യൂത്ത്‌ലീഗ് പ്രവർത്തകർ പഞ്ചായത്ത് ഓഫീസ് ഉപരോധിച്ചു.

ചാത്തമംഗലം പഞ്ചായത്തിലെ പുതിയ  വോട്ടർ പട്ടികയിൽ ജീവിച്ചിരിക്കുന്ന ആളുകൾ മരണപ്പെട്ടവരുടെ   ലിസ്റ്റിൽ

കട്ടാങ്ങൽ: ചാത്തമംഗലം പഞ്ചായത്തിലെ പുതിയ  വോട്ടർ പട്ടികയിൽ ജീവിച്ചിരിക്കുന്ന  ആളുകൾ മരണപ്പെട്ടവരുടെ  ലിസ്റ്റിൽ ആയതായി പരാതി.

പാലക്കുറ്റി ഇരുപത്തിയൊന്നാം വാർഡിന്റെ പുതിയ വോട്ടർ ലിസ്റ്റിൽ അലീമ(79) പൊയിലിൽ എന്ന സ്ത്രീയെയും,പാഴൂർ ഒൻപതാം വാർഡിലെ ആരിഫ (39) ചക്കാലംക്കുന്ന്  എന്ന സ്ത്രീയെയും മരണപ്പെട്ടവരുടെ ലിസ്റ്റിലാക്കി  ഒഴിവാക്കിയതായി മക്കാളായ അബൂബക്കർ സിദ്ദിഖ്, മുഹമ്മദ് എന്നിവർ പരാതിമായി രംഗത്ത് വന്നത്.

പഞ്ചായത്ത് അധികൃതരുമായി യൂത്ത് ലീഗ് നേതൃത്വം നടത്തിയ ചർച്ചയിൽ തീരുമാനം ആവാത്തതിനെ തുടർന്ന് യൂത്ത് ലീഗ് പ്രവർത്തകർ കട്ടാങ്ങൽ അങ്ങാടിയിൽ പ്രതിഷേധ പ്രകടനവും, പഞ്ചായത്ത് ഓഫീസ് ഉപരോധവും നടത്തി. പഞ്ചായത്ത് ഓഫീസ് ഉപരോധം പി.കെ ഹക്കീം മാസ്റ്റർ കളൻതോട് ഉദ്ഘാടനം ചെയ്തു, മണ്ഡലം യൂത്ത്‌ലീഗ് ട്രഷറർ കുഞ്ഞിമരക്കാർ മലയയമ്മ, സെക്രട്ടറി സിറാജ് ഈസ്റ്റ് മലയമ്മ, പഞ്ചായത്ത് ജനറൽ സെക്രട്ടറി റസാഖ് പുള്ളന്നൂർ, വർക്കിംഗ് സെക്രട്ടറിറിയാസ് മലയമ്മ, സെക്രട്ടറി അലി മുണ്ടോട്,അഹമ്മദ് കുട്ടി എലത്തൂർ,ജമാൽ പാലക്കുറ്റി, എം.എസ്.എഫ് പഞ്ചായത്ത് ജനറൽ സെക്രട്ടറി ഷാജഹാൻപാഴൂർ, റിജാസ് പാഴൂർ പരാതിക്കാരിയുടെ മക്കളായ അബൂബക്കർ സിദ്ദീഖ്, മുഹമ്മദ് തുടങ്ങിയവർ പ്രതിഷേധത്തിൽ സംബന്ധിച്ചു.