കുട്ടിപ്പോലീസിന്റെ ടിവി ചലഞ്ച് തുടരുന്നു.

കുട്ടിപ്പോലീസിന്റെ ടിവി ചലഞ്ച് തുടരുന്നു.

നന്മണ്ട: നന്മണ്ട ഹയർ സെക്കണ്ടറി സ്കൂളിലെ സ്റ്റുഡന്റ് പോലീസ് കേഡറ്റ് യൂണിറ്റ് ഏറ്റെടുത്ത ടിവി ചലഞ്ചിലേക്ക് ബാലുശ്ശേരി വികെയർ ഹോമിയോപ്പതി സംഭാവന നൽകിയ ടിവി ഡോ: സജിനും ഡോ: ശ്രീജ സജിനും ചേർന്ന് നന്മണ്ട എച്ച് എസ് എസ് പ്രിൻസിപ്പൽ ശ്രീമതി.പി. ബിന്ദുവിന് കൈമാറി . ഓൺലൈൻ ക്ലാസ്സ് സൗകര്യങ്ങൾ ലഭ്യമല്ലാത്ത കുട്ടികൾക്ക് പഠനസൗകര്യമൊരുക്കുക എന്ന ലക്ഷ്യത്തോടെ എസ് പി സി ഓഫീസർ കെ.ഷിബുവിന്റെ നേതൃത്വത്തിലാണ് പ്രവർത്തനങ്ങൾ നടക്കുന്നത് .ഇതുവരെ  2500 മാസ്കുകൾ നിർമ്മിച്ച് വിതരണം ചെയ്യുകയും, മൂന്ന് ടി വി നൽകുകയും, കൂടാതെ കുട്ടികൾക്കായി നിരവധി സർഗ്ഗാത്മക പ്രവർത്തനങ്ങളും ഓൺലൈനായി നടത്തിവരികയും ചെയ്യുന്നുണ്ട്. കഴിഞ്ഞ പ്രളയകാലത്തും മാതൃകാപരമായ പ്രർത്തനങ്ങൾ നടത്തിയിരുന്നു..