സീതി സാഹിബ്‌ ലൈബ്രറിയിൽ പുസ്തക ചലഞ്ച് ആരംഭിച്ചു
കേരള സ്റ്റേറ്റ് ലൈബ്രറി കൗൺസിലിന്റെ അംഗീകാരത്തോടെ കൊടിയത്തൂരിൽ പ്രവർത്തിക്കുന്ന സീതി സാഹിബ്‌ കൾച്ചറൽ സെന്റർ ലൈബ്രറിയിൽ പുസ്തക ചലഞ്ച് ആരംഭിച്ചു .ഗ്രന്ഥശാലാ വാരാഘോഷത്തിനോട് അനുബന്ധിച്ചു നടത്തുന്ന വായനാ പക്ഷാചരണത്തിന്റെ ഭാഗമായാണ് ലൈബ്രറിയിലേക്ക് പുസ്തകങ്ങൾ ശേഖരിക്കുന്നത് .
പുസ്തക ചലഞ്ച് പരിപാടി വാഴക്കാട് ദാറുൽ ഉലൂം കോളേജ് മുൻ പ്രിൻസിപ്പൽ ഡോ .കാവിൽ അബ്ദുല്ലയിൽ നിന്നും പുസ്തകങ്ങൾ സ്വീകരിച്ചു കൊണ്ട് കൾച്ചറൽ സെന്റർ പ്രസിഡന്റ് സി .പി .ചെറിയ മുഹമ്മദ് ഉദ്ഘാടനം ചെയ്തു .ലൈബ്രറി പ്രസിഡന്റ് പി .സി .അബൂബക്കർ ,വി .അബ്ദുറഷീദ് മാസ്റ്റർ ,ഫത്തിൻ മുഹമ്മദ് ,ലൈബ്രറി സെക്രട്ടറി പി .അബ്ദുറഹിമാൻ എന്നിവർ പങ്കെടുത്തു .
വാരാഘോഷത്തിന്റെ ഭാഗമായി വ്യത്യസ്ത പരിപാടികൾ നടത്തുന്നുണ്ട് .
