ഓൺലൈൻ പഠന സൗകര്യമില്ലാത്ത കുട്ടികൾക്ക്
ഒപ്പമുണ്ട് വിദ്യാലയം എന്ന പദ്ധതി യുമായി പുത്തൂർമഠം എ എം യു പി സ്കൂൾ
𝐏𝐭𝐯𝟐𝟒𝐥𝐢𝐯𝐞 𝐎𝐧𝐥𝐢𝐧𝐞 𝐌𝐞𝐝𝐢𝐚
👁️🗨️20-06-2021
പെരുമണ്ണ:
ഓൺലൈൻ പഠനത്തിനു സൗകര്യമില്ലാത്ത കുട്ടികൾക്ക് വേണ്ടി പുത്തൂർ മഠം എ എം യു പി സ്കൂൾ നടപ്പിലാക്കുന്ന ഒപ്പമുണ്ട് വിദ്യാലയം എന്ന പദ്ധതിയുടെ ഉദ്ഘാടനം കോഴിക്കോട് പാർലമെന്റ് അംഗം എം കെ രാഘവൻ എം പി നിർവ്വഹിച്ചു.ചടങ്ങിൽ പി ടി എ പ്രസിഡന്റ്‌ പി ടി എ സലാം, ഹെഡ്മാസ്റ്റർ കെ നന്ദകുമാർ, സ്റ്റാഫ് സെക്രട്ടറി കെ അബ്ദുൾ ലത്തീഫ്, കെ വിപിൻ, അബ്ദുസമദ് എ.പി എന്നിവർ സംബന്ധിച്ചു.
ഒപ്പമുണ്ട് വിദ്യാലയം എന്ന പദ്ധതിയുടെ ഭാഗമായി സംഘടിപ്പിച്ച മൊബൈൽ ചലഞ്ചിലൂടെ ലഭിച്ച മൊബൈൽ ഫോണുകളാണ് അർഹരായ കുട്ടികൾക്ക് വിതരണം ചെയ്യുന്നത്
മൊബൈൽ ചലഞ്ചിന് ഇതിനകം തന്നെ വലിയ പ്രതികരണമാണ് ലഭിക്കുന്നത്. അധ്യാപകർ നേരത്തെ ഒരു ലക്ഷം രൂപയുടെ മൊബൈൽ ഫോൺ ചലഞ്ച് ഏറ്റെടുത്തിരുന്നു. ഇതിനു പുറമെ സാമൂഹ്യ പ്രവർത്തകനും സന്നദ്ധ സേവന രംഗത്ത് സജീവ സാന്നിധ്യവുമായ തെക്കേടത്ത് അശോകൻ മൂന്നു മൊബൈൽ ഫോണും ചാരിറ്റി മേഖലയിൽ സ്തുത്യർഹമായ പ്രവർത്തനം കാഴ്ച വെയ്ക്കുന്ന അഡോറ ചാരിറ്റബിൾ സൊസൈറ്റി മൂന്നു ഫോണും കൈമാറിയിട്ടുണ്ട്.പാലക്കാട്‌ എഞ്ചിനിയറിംഗ് കോളേജ് പൂർവ വിദ്യാർത്ഥി സംഘടന കോഴിക്കോട് ചാപ്റ്റർ ദർശന ഒരു മൊബൈൽ ഫോണും ഈ ചലഞ്ചിലേക്ക് ഇതിനകം നൽകിയിട്ടുണ്ട്
