പി.കെ വാര്യരുടെ നിര്യാണത്തിൽ അനുശോചിച്ചു
കോഴിക്കോട്:
ജീവിതത്തിലുടനീളം മനുഷ്യ സൗഹാർദ്ദവും മാനവിക ഐക്യവും മുറുകെ പിടിച്ച മഹാനായിരുന്നു അന്തരിച്ച കോട്ടക്കൽ ആര്യവൈദ്യശാലാ മാനേജിംഗ് ട്രസ്റ്റി ഡോ.പി.കെ വാര്യർ എന്ന് കോഴിക്കോട് പാളയം ജുമാ മസ്ജിദ് ചീഫ് ഇമാം ഡോ.ഹുസൈൻ മടവൂർ അനുശോചന സന്ദേശത്തിൽ പറഞ്ഞു. ആയുർവേദത്തിന്റെ ആധികാരികത ആഗോളതലത്തിലെത്തിക്കുവാനും അതുവഴി കേരളത്തിന്റെ ചികിത്സാ പാരമ്പര്യം ലോകത്തിന്റെ ശ്രദ്ധയിൽ കൊണ്ടുവരാനും അദ്ദേഹത്തിന്ന് സാധിച്ചു. കൊറോണ ചികിത്സക്ക് പോലും അദ്ദേഹം നിർദ്ദേശിച്ചത് സമീകൃതാഹാരവും ചിട്ടയായ വ്യായാമവും മതിയായ വിശ്രമവുമായിരുന്നു. വാര്യരുടെ വിയോഗം വലിയ നഷ്ടം തന്നെയാണെന്നും ഹുസൈൻ മടവൂർ അനുസ്മരിച്ചു.
