ഷേജിന അശോകിന് പൗര സ്വീകരണം നൽകി
ഷേജിന അശോകിന് പൗര സ്വീകരണം നൽകി
കുറ്റ്യാടി : -
ഗോവയിൽ വെച്ച് നടന്ന ദേശീയ യൂത്ത് ഗെയിംസ് ചാമ്പ്യൻഷിപ്പിൽ കേരളത്തെ പ്രതിനീകരിച്ച് 1500, 800 മീറ്റർ മൽസരങ്ങളിൽ ഒന്നാം സ്ഥാനം കരസ്ഥമാക്കിയ കായക്കോടിയിലെ ഷേജിന അശോകിന് ജയന്റ്സ് ഗ്രൂപ്പിന്റെ ആഭിമുഖ്യത്തിൽ പൗര സ്വീകരണം നൽകി.ജമാൽ കോരങ്കോട്ട് അധ്യക്ഷത വഹിച്ചു.കുറ്റ്യാടി എം.എൽ.എ.കെ.പി. കുഞ്ഞമ്മത് കുട്ടി മാസ്റ്റർ ഉപഹാരം സമർപ്പിച്ചു. പഞ്ചായത്ത് പ്രസിഡന്റ് ഒ.ടി. നഫീസ,വൈസ് പ്രസിഡന്റ് ടി.കെ.മോഹൻദാസ്, ബ്ലോക്ക് പ്രസിഡണ്ട് കെ.പി.ചന്ദ്രി,വാർഡ് മെമ്പർ എ.സി. അബ്ദുൽ മജീദ്, ജമാൽ പാറക്കൽ,കെ. ഹരീന്ദ്രൻ,അബ്ദുല്ല സൽമാൻ,നസീർ ചിന്നൂസ്,കെ.ഇ.ആരിഫ്,സലാം നെടിയപൊയിൽ, തെരുവത്ത് അഷ്റഫ്,സലാം ടാലന്റ്,ഗഫൂർ കുറ്റ്യാടി എന്നിവർ പ്രസംഗിച്ചു.
കായക്കോടിയിലെ അച്ചൂന്റെ പറമ്പത്ത് അശോകൻ - ശ്യാമള ദമ്പതികളുടെ മകളായ ഷേജിന,തൃശൂർ സഹൃദയ കോളേജ് അവസാന വർഷ ഡിഗ്രി വിദ്യാർഥിയാണ്.
