മഴക്കെടുതിയിൽ കൈത്താങ്ങായി വെൽഫെയർ പാർട്ടി
മഴക്കെടുതിയിൽ കൈത്താങ്ങായി വെൽഫെയർ പാർട്ടി
കുറ്റിക്കാട്ടൂർ:
മഴക്കെടുതി കൂടി വരുന്ന സാഹചര്യത്തിൽ പെരുവയൽ പഞ്ചായത്തിലെ രക്ഷാപ്രവർത്തനങ്ങൾക്ക് വെൽഫെയർ പാർട്ടി പെരുവയൽ പഞ്ചായത്ത് കമ്മിറ്റി കൺട്രോൾ റൂം തുറന്നു. വെള്ളം കയറിയ ആനക്കുഴിക്കര, കുറ്റിക്കാട്ടൂർ മാമ്പുഴ റോഡിനു സമീപം വീടുകളിൽ നിന്ന് സാധനങ്ങൾ ഒഴിപ്പിച്ചു. വെൽഫെയർ പാർട്ടി സേവന വിഭാഗമായ ടീം വെൽഫെയറിൻ്റെ നേതൃത്വത്തിലാണ് പ്രവർത്തനങ്ങൾ നടന്നത്.
ടീം വെൽഫെയർ പെരുവയൽ പഞ്ചായത്ത് കൺവീനർ അനീസ് മുണ്ടോട്ട് നേതൃത്വം നൽകി. പെരുവയൽ പഞ്ചായത്തിലെ വെള്ളം കയറിയ പ്രദേശങ്ങളിൽ വെൽഫെയർ പാർട്ടി കുന്നമംഗലം മണ്ഡലം ട്രഷറർ ടി പി ഷാഹുൽഹമീദ്, പഞ്ചായത്ത് പ്രസിഡണ്ട് സമദ് നെല്ലിക്കോട്ട്, സെക്രട്ടറി അഷ്റഫ് വെള്ളിപറമ്പ്, മുസ്‌ലിഹ് പെരിങ്ങോളം, ടി കേ അബ്ദുല്ല, റിയാസ് കുറ്റിക്കാട്ടൂർ, അയ്മൻ പെരിങ്ങോളം, മുനീബ്, ഫഹീം എന്നിവരുടെ നേതൃത്വത്തിൽ സന്ദർശനം നടത്തുകയും ആവശ്യമായ നിർദ്ദേശങ്ങൾ നൽകുകയും ചെയ്തു.
വെള്ളം ഇറങ്ങിയതിനു ശേഷമുള്ള ശുചീകരണ പ്രവർത്തനങ്ങൾക്ക് സംവിധാനം ഒരുക്കിയിട്ടുണ്ട്. ബന്ധപ്പെടേണ്ട നമ്പർ: കൺവീനർ - അനീസ് മുണ്ടോട്ട് : 7012976737, അസി കൺവീനർ - അയ്മൻ പെരിങ്ങോളം: 8078 219 836.
