പെരുമണ്ണ എ എൽ പി സ്കൂളിൽ രക്ഷിതാക്കൾക്കായി ബോധവൽക്കരണ ക്ലാസ് നടത്തി.
ബോധവത്കരണ ക്ലാസ് നടത്തി
പെരുമണ്ണ :
നവംബർ 1 ന് സ്കൂൾ തുറക്കുന്നതിന് മുന്നോടിയായി പെരുമണ്ണ എ എൽ പി സ്കൂളിൽ രക്ഷിതാക്കൾക്കായി ബോധവൽക്കരണ ക്ലാസ് നടത്തി.
പെരുമണ്ണ എ എല്‍ പി സ്കൂളിൽ നടന്ന പരിപാടി പെരുമണ്ണ ഗ്രാമ പഞ്ചായത്ത്‌ മെമ്പർ കെ കെ ഷമീർ ഉദ്ഘാടനം ചെയ്തു. സ്കൂൾ പി ടി എ പ്രസിഡന്റ്‌ ടി ടി സുബ്രഹ്മണ്യൻ അധ്യക്ഷനായ പരിപാടിയില്‍ സ്കൂൾ ഹെഡ്മിസ്ട്രെസ് എൻ മിനിത സ്വാഗതം പറഞ്ഞു.
പെരുമണ്ണ പ്രാഥമിക കുടുംബാരോഗ്യ കേന്ദ്ര ഇൻസ്‌പെക്ടർ അബ്ദുൽ മജീദ് ടി, ജൂനിയർ ഇൻസ്‌പെക്ടർ പ്രിയേഷ് പി, അജിത് മേനോൻ പി ( മെന്റർ ) എന്നിവർ ക്ലാസ് എടുത്തു.
ചടങ്ങിൽ ഗ്രാമ പഞ്ചായത്ത്‌ മെമ്പർ കെ പി രാജൻ, സ്കൂൾ പി ടി എ പ്രസിഡന്റ്‌ വി ഷറീന, പി കെ അഖിലേഷ് എന്നിവർ ആശംസകൾ പറഞ്ഞു. സ്റ്റാഫ്‌ സെക്രട്ടറി ജി എസ് സംഗീത നന്ദി പറഞ്ഞു.
