മുസ്ലിം യൂത്ത് ലീഗ് അകം പൊരുൾ സംഘടനയാത്രക്ക് പെരുവയലിൽ സ്വീകരണം നൽകി
മുസ്ലിം യൂത്ത് ലീഗ് അകം പൊരുൾ സംഘടനയാത്രക്ക് പെരുവയലിൽ സ്വീകരണം നൽകി
പെരുവയൽ :
സംഘടനാ പ്രവർത്തന രംഗത്ത് നവോന്മേഷം നൽകിയും ശാഖാ തലത്തിലെ പ്രവർത്തകരുമായി സംവദിച്ചും കോഴിക്കോട് ജില്ലാ യൂത്ത് ലീഗ് കമ്മിറ്റി നടത്തുന്ന സംഘടനാ യാത്ര പര്യടനത്തിന് പെരുവയലിൽ സ്വീകരണം നൽകി. അരാഷ്ട്രീയതക്കും അധാർമികതക്കുമെതിരെ ദിശാബോധം നൽകിയും സ്വത്വരാഷ്ട്രീയത്തിൻ്റേയും അഭിമാനകരമായ അസ്ഥിത്വത്തിൻ്റേയും അനിവാര്യത പങ്കുവെച്ചും മുന്നോട്ട് പോകുന്ന യാത്ര പ്രവർത്തകരിൽ വലിയ ഉണർവ്വാണ്‌ ഉണ്ടാക്കുന്നത്. പെരുവയൽ പഞ്ചായത്ത് മുസ്ലിം യൂത്ത് ലീഗ് നൽകിയ സ്വീകരണം മുസ്ലിം യൂത്ത് ലീഗ് സംസ്ഥാന ട്രഷറർ ഇസ്മായിൽ പി വയനാട് ഉദ്ഘാടനം ചെയ്തു പഞ്ചായത്ത് യൂത്ത് ലീഗ് പ്രസിഡണ്ട് യാസർ അറഫാത്ത് അധ്യക്ഷത വഹിച്ചു. മുസ്ലിം യൂത്ത് ലീഗ് കോഴിക്കോട് ജില്ലാ പ്രസിഡണ്ട് മിസ്ഹബ് കീഴരിയൂർ, കെഎംഎ റഷീദ് , എടി ബഷീർ ഹാജി , ടി പി മുഹമ്മദ് ,പൊതാത്ത് മുഹമ്മദ് ഹാജി,എസ്‌വി ഷൗലിക്ക്,ഷഫീക്ക് അരക്കിണർ ,സൈത് ഫസൽ,ഒ എം നൗഷാദ്,ഐ സൽമാൻ,കുഞ്ഞിമരക്കാർ,മുളയത്ത് മുഹമ്മദ് ഹാജി,എൻവി കോയ,മുജീബ് ഇടക്കണ്ടി,എംപി സലീം,ടി പി.എം സാദിഖ്,മുഹമ്മദ് കോയ കായലം, അൻസാർ പെരുവയൽ ,
സഹദ് പെരിങ്ങൊളം എന്നിവർ പ്രസംഗിച്ചു. ചന്ദ്രികയിടം പദ്ധതിയിലേക്ക് ഫ്രഷ് ബേക്കറി അജ്‌സൽ സ്പോൺസർ ചെയ്ത ചന്ദ്രിക ഉദ്ഘാടനം മിസ്ഹബ് കീഴരിയൂർ നിർവഹിച്ചു.ജനറൽ സെക്രട്ടറി ഹാരിസ് വി സ്വാഗതവും ട്രഷറർ നുഅമാൻ വെള്ളിപറമ്പ് നന്ദിയും പറഞ്ഞു
