ചൂലൂര്‍ സി.എച്ച് സെന്റര്‍ നാടിന് സമര്‍പ്പിച്ചു
ചൂലൂര്‍ സി.എച്ച് സെന്റര്‍ നാടിന് സമര്‍പ്പിച്ചു
കോഴിക്കോട്:
ചൂലൂര്‍ സി.എച്ച് സെന്റര്‍ നാടിന് സമര്‍പ്പിച്ചു.മുസ്ലിം ലീഗ് ദേശീയ പ്രസിഡന്റ് പ്രഫ.ഖാദര്‍ മൊയ്തീന്‍ സാഹിബാണ് ചൂലൂര്‍ സി.എച്ച് സെന്ററിന്റെ ഉദ്ഘാടനം നിര്‍വ്വഹിച്ചത്.ചാത്തമംഗലം പഞ്ചായത്തിലെ ചൂലൂരില്‍ പ്രവര്‍ത്തിച്ചുവരുന്ന എം.വി.ആര്‍ ക്യാന്‍സര്‍ ഇന്‍സ്റ്റിറ്റ്യൂട്ടിന് സമീപത്ത് സി.എച്ച് മുഹമ്മദ് കോയ മെമ്മോറിയല്‍ ചാരിറ്റബിള്‍ സെന്റര്‍, കഴിഞ്ഞ നാല് വര്‍ഷമായി പ്രവര്‍ത്തിച്ച് കൊണ്ടിരിക്കുകയാണ്.എം.വി.ആര്‍ ക്യാന്‍സര്‍ സെന്ററില്‍ ചികിത്സക്കെത്തുന്ന പാവപ്പെട്ട രോഗികള്‍ക്കും കൂട്ടിരിപ്പുകാര്‍ക്കും വലിയ ആശ്വാസമാണ് സി.എച്ച് സെന്റര്‍.56.6 സെന്റര്‍ ഭൂമിയില്‍ ഒന്നാം ഘട്ടമെന്ന നിലയില്‍ 42 രോഗികള്‍ക്കും അവരുടെ കൂട്ടിരിപ്പുകാര്‍ക്കും താമസ സൗകര്യവും മറ്റും ഇവിടെ സജ്ജീകരിച്ചിട്ടുണ്ട്.
സി.എച്ച് സെന്റര്‍ പ്രസിഡന്റ് ഇ.ടി മുഹമ്മദ് ബഷീര്‍ എം.പി അദ്ധ്യക്ഷ വഹിച്ച ചടങ്ങില്‍ ഓഡിറ്റോറിയം ശിലാസ്ഥാപനം പ്രതിപക്ഷ നേതാവ് വി.ഡി സതീശനും സാംസ്കാരിക കേന്ദ്രത്തിന്റെ ഉദ്ഘാടനം പാണക്കാട് സയ്യിദ് സാദിഖലി ശിഹാബ് തങ്ങളും വെബ്സൈറ്റ് ലോഞ്ചിംഗ് മുസ്ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.എല്‍.എ യും നിര്‍വ്വഹിച്ചു.
മുസ്ലിം ലീഗ് ദേശീയ ട്രഷറര്‍ പി.വി അബ്ദുല്‍ വഹാബ് എം.പി, എം.കെ രാഘവന്‍ എം.പി, രമ്യ ഹരിദാസ് എം.പി, മുസ്ലിം ലീഗ് ദേശീയ ഭാരവാഹികളായ എം.പി അബ്ദുസ്സമദ് സമദാനി എം.പി, ഇഖ്ബാല്‍ അഹമ്മദ് ഉത്തര്‍പ്രദേശ്, ഖറം അനീസ് ഉമര്‍ ഡല്‍ഹി, തമിഴ്നാട് വഖഫ് ബോര്‍ഡ് ചെയര്‍മാന്‍ അബ്ദുറഹിമാന്‍, തമിഴ്നാട് വഖഫ് ബോര്‍ഡ് മെമ്പര്‍ ഫാത്തിമ്മ മുസാഫിര്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, എം.എല്‍.എ മാരായ പി.ടി.എ റഹീം, നജീബ് കാന്തപുരം, ടി.വി ഇബ്രാഹിം, ഡോ.പി.എ ഇബ്രാഹിം ഹാജി, ഡോ.എ.പി അന്‍വര്‍ അമീന്‍, മുഹമ്മദ് ഈസ,വിവിധ രാഷ്ട്രീയ പാര്‍ട്ടി പ്രതിനിധികള്‍, ജനപ്രതിനിധികള്‍ തുടങ്ങിയ പ്രമുഖര്‍ സംബന്ധിച്ചു.സെന്റര്‍ ജനറല്‍ സെക്രട്ടറി കെ.എ ഖാദര്‍ മാസ്റ്റര്‍ സ്വാഗതവും ട്രഷറര്‍ പി.പി മൊയ്തീന്‍ ഹാജി നന്ദിയും പറഞ്ഞു.
