വിരുന്നെത്തുന്ന ദേശാടനപക്ഷികളെപ്പറ്റി പഠിക്കാനും അറിയാനും അധ്യാപകരും വിദ്യാർഥികളുമെത്തി.
ദേശാടന പക്ഷികളെ പഠിക്കാൻ അധ്യാപകരും വിദ്യാർഥികളുമെത്തി
മാവൂർ:
കൽപ്പള്ളി-തെങ്ങിലക്കടവ്-പള്ളിയോൾ നീർത്തടത്തിൽ വിരുന്നെത്തുന്ന ദേശാടനപക്ഷികളെപ്പറ്റി പഠിക്കാനും അറിയാനും അധ്യാപകരും വിദ്യാർഥികളുമെത്തി. കോഴിക്കോട് ബി.ആർ.സിയുടെ കീഴിൽ ഫറോക്ക് വിദ്യാഭ്യാസ ഉപജില്ലയിലുള്ള
സ്കൂളുകളിലെ അധ്യാപകരും വിദ്യാർഥികളുമാണ് വെള്ളിയാഴ്ച മാവൂരിലെത്തിയത്.
ഫറോക്ക് ഉപജില്ല എ.ഇ.ഒ അജിത് കകുമാറിൻ്റെ നിർദേശപ്രകാരമായിരുന്നു പഠനയാത്ര. പക്ഷികളെ നേരിട്ട് നിരീക്ഷിക്കുകയും പക്ഷി നിരീക്ഷകനും സീനിയർ ഫോട്ടോഗ്രാഫറുമായ പി.ടി. മുഹമ്മദിൽനിന്ന് അറിവ് തേടുകയും ചെയ്തു. പി.ടി. മുഹമ്മദ് ദേശാടനപക്ഷികളെപ്പറ്റി ക്ലാസെടുത്തുകൊടുത്തു. രാമനാട്ടുകര ഗവ. യു.പി സ്കൂളിലെ ബി.സി. അബ്ദുൽ ഖാദർ, യാത്ര കൺവീനർ കൊളത്തറ ആത്മ വിദ്യ സംഘം സ്കൂളിലെ കെ. മുജീബ് റഹ്മാൻ എന്നിവർ നേതൃത്വം നൽകി. ചാലിയാർ പുഴയും സംഘം സന്ദർശിച്ചു.
