യൂത്ത് കോൺഗ്രസ്‌ പെരുമണ്ണ മണ്ഡലം കമ്മിറ്റിയുടെ നേതൃത്വത്തിൽ പദയാത്ര സംഘടിപ്പിച്ചു.
വര്‍ഗീയതക്കെതിരെ യൂത്ത് കോണ്‍ഗ്രസ് പദയാത്ര പെരുമണ്ണയില്‍
പെരുമണ്ണ:
സംസ്ഥാന വ്യാപകമായി നടത്തുന്ന പ്രചാരണ പരിപാടികളുടെ ഭാഗമായി യൂത്ത് കോൺഗ്രസ്‌ പെരുമണ്ണ മണ്ഡലം കമ്മിറ്റിയുടെ നേതൃത്വത്തിൽ പദയാത്ര സംഘടിപ്പിച്ചു. വളളിക്കുന്നില്‍ നടന്ന ചടങ്ങില്‍ യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി വി.പി ദുല്‍ഖിഫില്‍ യാത്ര ഫ്ളാഗ് ഓഫ് ചെയ്തു. പെരുമണ്ണ അങ്ങാടിയില്‍ നടന്ന സമാപന സമ്മേളനം മുന്‍ സംസ്ഥാന പ്രസിഡന്റ് എം. ലിജു ഉദ്ഘാടനം ചെയ്തു. യൂത്ത് കോണ്‍ഗ്രസ് പെരുമണ്ണ മണ്ഡലം കമ്മറ്റി പ്രസിഡന്റ് എം.കെ രാഗിഷ് അധ്യക്ഷനായി. പി. മൊയ്തീന്‍, ദിനേശ് പെരുമണ്ണ, എ. ഷിയാലി, എം.എ പ്രഭാകരന്‍, ജിജിത്ത് പൈങ്ങോട്ടുപുറം, വി.പി ദേവദാസന്‍, എം.കെ ഷാഹിന, ജിബിന്‍ദാസ്, പി മുസാഫിര്‍, ജെറില്‍ തുടങ്ങിയവര്‍ സംസാരിച്ചു.
