പെരുമണ്ണ കോളശ്ശേരി മഖാം ഉറൂസിന് ഇന്ന് തുടക്കം
പെരുമണ്ണ കോളശ്ശേരി മഖാം ഉറൂസിന് ഇന്ന് തുടക്കം
പെരുമണ്ണ:
പെരുമണ്ണ കോളശ്ശേരി സയ്യിദ് അലവിക്കോയ തങ്ങളുടെ 37 ആം ആണ്ട് നേർച്ചക്ക് ഇന്ന് തുടക്കമാവുന്നു. നാല് ദിവസം നീണ്ടു നിൽക്കുന്ന പരിപാടി ഡിസംബർ നാലിന് സമാപിക്കും. ഇന്ന് ബുധൻ വൈകുന്നേരം ഏഴ് മണിക്ക്
എ എം മുല്ലക്കോയ തങ്ങൾ കോളശ്ശേരി പതാക ഉയർത്തുന്നതോടെയാണ് പരിപാടിക്ക് തുടക്കമാവുക.
വിവിധ ദിവസങ്ങളിലായി നടക്കുന്ന മതപ്രഭാഷണ പരിപാടിയിൽ അഷ്‌റഫ്‌ റഹ്‌മാനി ദേവർശോല , ലുഖ്മാനുൽ ഹകീം സഖാഫി പുല്ലാര തുടങ്ങിയവർ സംസാരിക്കും.
മൂന്നിന് നടക്കുന്ന ദിക്ർ ദുആ ആത്മീയ സംഗമത്തിന് സയ്യിദ് ഹൈദ്രോസ് മുത്തുക്കോയ തങ്ങൾ എളങ്കൂർ നേത്രത്വം നൽകും. അബൂബക്കർ സഖാഫി തെന്നല ആത്മീയ പ്രഭാഷണം നടത്തും.
സയ്യിദ് പൂക്കോയ തങ്ങൾ , കെ ടി ഇസ്മായിൽ സഖാഫി പെരുമണ്ണ , ഹുസൈൻ ബാഖവി , അബൂബക്കർ ബാഖവി കരീറ്റിപ്പറമ്ബ് തുടങ്ങിയവർ സംബന്ധിക്കും.
നാലിന് നടക്കുന്ന ഖത്തം ദുആ സംഗമത്തിന് സയ്യിദ് ശിഹാബുദ്ധീൻ അഹ്ദൽ മുത്തന്നൂർ തങ്ങളും ബുർദ മജ്‌ലിസിന് അബൂബക്കർ മുഈനി , നിസാമുദ്ധീൻ പുത്തൂർമഠം എന്നിവരും നേത്രത്വം നൽകും.
സയ്യിദ് ആറ്റക്കോയ തങ്ങൾ , ബഷീർ ബാഖവി ചേളാരി , അഷ്‌റഫ്‌ സഖാഫി പെരുമണ്ണ , അബ്ദുൽ ബാരി സഖാഫി തുടങ്ങിയർ സംബന്ധിക്കും.
