കോളശ്ശേരി മഖാം ചതുർദിന ആണ്ട്നേർച്ചക്ക് തുടക്കമായി

കോളശ്ശേരി മഖാം ചതുർദിന  ആണ്ട്നേർച്ചക്ക്  തുടക്കമായി 

കോളശ്ശേരി മഖാം ചതുർദിന  ആണ്ട്നേർച്ചക്ക്  തുടക്കമായി 

പെരുമണ്ണ:

പെരുമണ്ണ കോളശ്ശേരി സയ്യിദ് അലവിക്കോയ തങ്ങളുടെ 37 ആം  ആണ്ട് നേർച്ചക്ക്  ഇന്നലെ തുടക്കമായി.  

ഇന്നലെ വൈകുന്നേരം ഏഴ് മണിക്ക്  എ എം മുല്ലക്കോയ തങ്ങൾ കോളശ്ശേരി പതാക ഉയർത്തിയതോടെ ആരംഭിച്ച പരിപാടി നാലിന് സമാപിക്കും . 

ഇന്നലെ നടന്ന  മതപ്രഭാഷണ പരിപാടി മുല്ലക്കോയ തങ്ങളുടെ അധ്യക്ഷതയിൽ ഹുസൈൻ ബാഖവി ഉൽഖാടനം ചെയ്തു.  അഷ്‌റഫ്‌ റഹ്‌മാനി ദേവർശോല മുഖ്യപ്രഭാഷണം നടത്തി. പി എ കെ ആറ്റക്കോയ തങ്ങൾ , പൂക്കോയ തങ്ങൾ ,  കണിയാമ്പറ്റ ഉസ്ത്താദ് ,  അബ്ദുറഹ്മാൻ ബാഖവി വട്ടോളി  തുടങ്ങിയവർ സംബന്ധിച്ചു. 

ഇന്ന് (വ്യാഴം )  ലുഖ്മാനുൽ ഹകീം സഖാഫി പുല്ലാര   പ്രഭാഷണം നടത്തും . 

നാളെ (വെള്ളി ) 7.30 ന്ന്   നടക്കുന്ന ദിക്ർ ദുആ  ആത്മീയ സംഗമത്തിന് സയ്യിദ് ഹൈദ്രോസ് മുത്തുക്കോയ തങ്ങൾ എളങ്കൂർ നേത്രത്വം നൽകും. അബൂബക്കർ സഖാഫി തെന്നല ആത്മീയ പ്രഭാഷണം നടത്തും. 

സയ്യിദ്  പൂക്കോയ തങ്ങൾ , സയ്യിദ് ആറ്റക്കോയ തങ്ങൾ ,  കെ ടി ഇസ്മായിൽ സഖാഫി പെരുമണ്ണ , അബൂബക്കർ ബാഖവി കരീറ്റിപ്പറമ്ബ്  തുടങ്ങിയവർ സംബന്ധിക്കും. 

ശനിയാഴ്ച് രാവിലെ 9 മണിക്ക്   നടക്കുന്ന   ഖത്തം ദുആ സംഗമത്തിന്  സയ്യിദ് ശിഹാബുദ്ധീൻ അഹ്ദൽ മുത്തന്നൂർ തങ്ങളും ബുർദ മജ്‌ലിസിന് അബൂബക്കർ മുഈനി , നിസാമുദ്ധീൻ പുത്തൂർമഠം എന്നിവരും  നേത്രത്വം നൽകും.

സയ്യിദ് ആറ്റക്കോയ തങ്ങൾ , ബഷീർ ബാഖവി ചേളാരി ,  അഷ്‌റഫ്‌ സഖാഫി പെരുമണ്ണ , അബ്ദുൽ ബാരി സഖാഫി തുടങ്ങിയർ  സംബന്ധിക്കും.