കേരളത്തിലെ മുസ്ലിം സംഘശക്തിയെ തകർക്കാനുള്ള വ്യാപക ശ്രമം നടക്കുന്നതായി എസ്.കെ എസ് എസ് എഫ് സംസ്ഥാന പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങൾ
മുസ്ലിം സംഘ ശക്തിയെ തകർക്കാനുള്ള ശ്രമം വ്യാപകം :
ഹമീദലി ശിഹാബ് തങ്ങൾ
പെരുവയൽ:
കേരളത്തിലെ മുസ്ലിം സംഘശക്തിയെ തകർക്കാനുള്ള വ്യാപക ശ്രമം നടക്കുന്നതായി എസ്.കെ എസ് എസ് എഫ് സംസ്ഥാന പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങൾ പ്രസ്താവിച്ചു. വഖഫ് നിയമനം പി.എസ് സി ക്ക് വിട്ടതുമായി ബന്ധപ്പെട്ട് നടക്കുന്ന സമരങ്ങളിൽ വിഭാഗീയതയുണ്ടാക്കാൻ സി.പി.എം ശ്രമിക്കുന്നത് അതിൻ്റെ ഭാഗമാണെന്നും അദ്ധേഹം പറഞ്ഞു.
പെരുവയൽ പഞ്ചായത്ത് മുസ്ലിം യൂത്ത് ലീഗ് കാമ്പയിനിൻ്റെ സമാപനം 'വേര് ' ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം .
സി.എ.എ സമരത്തിൽ പങ്കെടുത്തവരുടെ കേസുകൾ പിൻവലിക്കാത്തതും ,സംവരണ വിഷയത്തിലും കേരള മുഖ്യമന്ത്രി പിണറായി വിജയനിലുള്ള വിശ്വാസം മുസ്ലിം സമുദായത്തിന് നഷ്ടപ്പെട്ടിട്ടുണ്ടെന്നും ഹമീദലി ശിഹാബ് തങ്ങൾ പറഞ്ഞു.
മുസ്ലിം ലീഗിൻ്റെ വിലയറിയണമെങ്കിൽ ലീഗില്ലാത്ത സംസ്ഥാനങ്ങളിലേക്ക് കണ്ണോടിക്കണമെന്നും കേരളത്തിൽ മുസ്ലിം സമുദായ സംഘടനകൾക്ക് ചെറിയ പരിഗണനയെങ്കിലും ഇടതുപക്ഷം നൽകുന്നത് മുസ്ലിം ലീഗിൻ്റെ സാന്നിദ്യം കൊണ്ടാണെന്നും അദ്ധേഹം പറഞ്ഞു .
യാസർ അറഫാത്ത് അധ്യക്ഷത വഹിച്ചു.
മുസ്ലിം യൂത്ത് ലീഗ് സംസ്ഥാന ജനറൽ സെക്രട്ടറി പി.കെ ഫിറോസ് ,
കെ മൂസ മൗലവി ,കെ.എം.എ റഷീദ് ,
എ.ടി ബഷീർ ,പൊതാത്ത് മുഹമ്മദ് ഹാജി ,കുഞ്ഞിമരക്കാർ മലയമ്മ ,ഹാരിസ് വി ,ഷഫീഖ് കായലം ,നുഹ്മാൻ വെള്ളിപറമ്പ് സംസാരിച്ചു.
വിവിധ സെഷനുകളിലായി ജാബിർ ഹുദവി തൃക്കരിപ്പൂർ ,ഹസീം ചെമ്പ്ര ക്ലാസ്സെടുത്തു.
മാതൃകാപരമായ പ്രവർത്തനത്തിനുള്ള ഉപഹാരം വൈറ്റ് ഗാർഡിനും ,ജീവകാരുണ്യ പ്രവർത്തനത്തിന് മുഹമ്മദ് സി ക്കും ,കോവിഡ് കാലത്തെ ആംബുലയർ പ്രവർത്തനത്തിന് ആസിഫ് പുവ്വാട്ടുപറമ്പിനും പാണക്കാട് സയ്യിദ് ഹമീദലി ശിഹാബ് തങ്ങൾ നൽകി .
രാത്രി 8 മണിക്ക് നടന്ന സൂഫി ജഷന് സമീർ ബിൻസിയും ഇമാം മജ്ബൂറും നേതൃത്വം നൽകി .
