പെരുവയൽ ഗ്രാമപഞ്ചായത്തിൽ പ്രവൃത്തി പൂർത്തീകരിച്ച മഞ്ഞൊടി ചാലിപ്പാടം റോഡ് പി.ടി.എ റഹീം എം.എൽ.എ ഉദ്ഘാടനം ചെയ്തു
പെരുവയൽ പഞ്ചായത്തിൽ രണ്ട് റോഡുകൾ എം.എൽ.എ ഉദ്ഘാടനം ചെയ്തു
പെരുവയൽ ഗ്രാമപഞ്ചായത്തിൽ പ്രവൃത്തി പൂർത്തീകരിച്ച രണ്ട് റോഡുകളുടെ ഉദ്ഘാടനം പി.ടി.എ റഹീം എം.എൽ.എ നിർവ്വഹിച്ചു. മഞ്ഞൊടി ചെറുകുളത്തൂർ ഈസ്റ്റ് കോളനി ചാലിപാടം റോഡ്, ചെറുകുളത്തൂർ എസ് വളവ് കിഴക്കുംപാടം മഞ്ഞൊടി റോഡ് എന്നിവയാണ് നവീകരണം പൂർത്തീകരിച്ച് തുറന്നു കൊടുത്തത്.
പ്രകൃതിക്ഷോഭ പുനരുദ്ധാരണ പദ്ധതിയിൽ ഉൾപ്പെടുത്തി മൂന്ന് ലക്ഷം രൂപ വീതമാണ് ഈ റോഡുകൾക്കായി അനുവദിച്ചിരുന്നത്.
ജില്ലാ പഞ്ചായത്ത് മെമ്പർ സുധ കമ്പളത്ത് അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ ടി.പി മാധവൻ, ഗ്രാമപഞ്ചായത്ത് മെമ്പർ രാജേഷ് കണ്ടങ്ങൂർ, കെ അംശുമതി, വി മോഹൻദാസ് സംസാരിച്ചു. എം രാജു സ്വാഗതവും കെ മനു നന്ദിയും പറഞ്ഞു.
