പെരുവയൽ പഞ്ചായത്തിൽ രണ്ട് റോഡ് പ്രവൃത്തികൾ എം.എൽ.എ ഉദ്ഘാടനം ചെയ്തു
പെരുവയൽ പഞ്ചായത്തിൽ രണ്ട് റോഡ് പ്രവൃത്തികൾ എം.എൽ.എ ഉദ്ഘാടനം ചെയ്തു
പെരുവയൽ ഗ്രാമപഞ്ചായത്തിലെ രണ്ടു റോഡുകളുടെ പ്രവൃത്തി ഉദ്ഘാടനം പി.ടി.എ റഹീം എം.എൽ.എ നിർവ്വഹിച്ചു. തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി ഭരണാനുമതി ലഭ്യമാക്കിയ ചെങ്ങോട്ടുതാഴം റോഡ്, മാണിയമ്പലം കുഴിമ്മൽ റോഡ് എന്നിവയുടെ പ്രവൃത്തികൾക്കാണ് തുടക്കം കുറിച്ചത്.
ചെങ്ങോട്ട്താഴം റോഡിനും മാണിയമ്പലം കുഴിമ്മൽ റോഡിനും 10 ലക്ഷം രൂപ വീതമാണ് അനുവദിച്ചിട്ടുള്ളത്.
പെരുവയൽ ഗ്രാമപഞ്ചായത്ത് പ്രസിഡണ്ട് എം.കെ സുഹറാബി അധ്യക്ഷത വഹിച്ചു. ഗ്രാമപഞ്ചായത്ത് മെമ്പർമാരായ കെ അബ്ദുറഹിമാൻ, രേഷ്മ തെക്കേടത്ത്, എം.പി മാമുക്കോയ, ബി.കെ മുഹമ്മദ്, കെ നാസർഖാൻ, സന്തോഷ് പുത്തലത്ത് സംസാരിച്ചു.
