സീതി സാഹിബ്‌ ലൈബ്രറിയിൽ സി പി യുടെ പുസ്തകം ചർച്ച ചെയ്തു.
കൊടിയത്തൂർ സീതി സാഹിബ്‌ കൾച്ചറൽ സെന്റർ പ്രസിഡന്റ്‌ സി പി ചെറിയ മുഹമ്മദ് രചിച്ച സംഘ ചേതനയുടെ വികാസ പരിണാമങ്ങൾ എന്ന പുസ്തകം സീതി സാഹിബ്‌ കൾച്ചറൽ സെന്റർ ലൈബ്രറിയുടെ ആഭിമുഖ്യത്തിൽ ചർച്ച ചെയ്തു. അധ്യാപക സംഘടനകളുടെ ചരിത്രം പറയുന്ന പുസ്തകത്തിൽ വിദ്യാഭ്യാസ രംഗത്തുണ്ടായ ഗതിവിഗതികൾ ചർച്ച ചെയ്യുന്നുണ്ട്.
സാംസ്‌കാരിക പ്രവർത്തകൻ സലാം കൊടിയത്തൂർ ചർച്ചാ വേദി ഉത്ഘാടനം ചെയ്തു. ലൈബ്രറി പ്രസിഡന്റ്‌ പി സി അബൂബക്കർ അധ്യക്ഷനായിരുന്നു. കെ വി അബ്ദുസ്സലാം മാസ്റ്റർ പുസ്തകം പരിചയപ്പെടുത്തി. ലൈബ്രറി കൗൺസിൽ മുക്കം നേതൃ സമിതി കൺവീനർ ബി. അലിഹസ്സൻ മുഖ്യാഥിതി ആയിരുന്നു.സി. പി. ചെറിയ മുഹമ്മദ് മറു മൊഴി നടത്തി
വാർഡ് മെമ്പർ ഫസൽ കൊടിയത്തൂർ,ലൈബ്രറി സെക്രട്ടറി പി അബ്ദുറഹിമാൻ,എം. അഹമ്മദ് കുട്ടി മദനി, സലാം കണ്ണഞ്ചേരി, എടക്കണ്ടി ആലിക്കുട്ടി, ഡോ. എം.മുനീർ, വി. അബ്ദുറഷീദ്, ലൈബ്രറിയൻ കെ. മുഹമ്മദ് എന്നിവർ സംസാരിച്ചു.
