ബുൾഡോസർ രാജ് അവസാനിപ്പിക്കുക - വെൽഫെയർ പാർട്ടി
കക്കോടി :
ജനാധിപത്യ പ്രക്ഷോഭം നടത്തിയ വെൽഫെയർ പാർട്ടി ദേശീയ നേതാക്കളെ അറസ്റ്റ് ചെയ്തതിലും, നേതാക്കളുടെ വീടുകൾ ഉത്തർ പ്രദേശ് സർക്കാർ പൊളിച്ചതിലും പ്രതിഷേധിച്ചു എലത്തൂർ മണ്ഡലം കമ്മിറ്റിയുടെ നേതൃത്വത്തിൽ പ്രകടനവും, പ്രതിഷേധ യോഗവും നടത്തി.
ബുൾഡോസർ രാജ് യോഗി ഗവണ്മെന്റ് അവസാനിപ്പിക്കണമെന്നും, സാമൂഹിക നീതിക്കായുള്ള പോരാട്ടത്തെ ചോരയിൽ മുക്കി കൊല്ലാമെന്ന സംഘി പരിവാർ വ്യാമോഹം നടക്കില്ലെന്നും മുഖ്യ പ്രഭാഷണം നടത്തിയ മണ്ഡലം ട്രഷറർ കെ. സലാഹുദ്ധീൻ പറഞ്ഞു.
പ്രസിഡന്റ്‌ അബ്ദുൽ ഖാദർ അതിയാനത്തിൽ അധ്യക്ഷത വഹിച്ചു. ജനറൽ സെക്രട്ടറി ശംസുദ്ധീൻ ചേളന്നൂർ സ്വാഗതവും, വൈസ് പ്രസിഡന്റ്‌ ഷൌക്കത്ത് കക്കോടി നന്ദിയും പറഞ്ഞു.
പ്രകടനതിന് ഷിയാസുദ്ധീൻ ഇബ്നു ഹംസ, ജുമൈല നന്മണ്ട, നജീബ് മേലെടത്, ശംസുദ്ധീൻ പറമ്പത്ത്, അബ്ദുൽ മജീദ് പറമ്പിൽ ബസാർ, സാലിഹ് നന്മണ്ട, മജീദ് മാസ്റ്റർ കാക്കൂർ എന്നിവർ നേതൃത്വം നൽകി.
