വാശിയേറിയ തെരഞ്ഞെടുപ്പിൽ മാവൂർ ക്ഷീരോത്പാദക സഹകരണ സംഘം സി.പി.എം നിലനിർത്തി.
ഒമ്പതംഗ ഭരണസമിതിയിലേക്ക് നടന്ന തെരഞ്ഞെടുപ്പിൽ മുഴുവൻ സീറ്റുകളും സി.പി.എം നേടി. വൻ പൊലീസ് സന്നാഹം തെരഞ്ഞെടുപ്പിന് ഒരുക്കിയിരുന്നു. ഇടക്ക് സംഘർഷാവസ്ഥയും ഉണ്ടായി. മനോഹരൻ പെരിക്കാക്കോട്ട്, രാജഗോപാലൻ മയ്യേരിമ്മൽ, എൻ. ശ്രീധരൻ, എം. ശ്രീധരൻ, സുരേന്ദ്രൻ കളരിക്കൽ, എ. പ്രേമ, പി.എം. സതി, സ്തിത വട്ടക്കണ്ടത്തിൽ, പി.കെ. വേലായുധൻ എന്നിവരാണ് സി.പി.എം പാനലിൽ തെരഞ്ഞെടുക്കപ്പെട്ടത്. ക്ഷീര കർഷക കൂട്ടായ്മ എന്ന പേരിലുള്ള എതിർപാനലിൽ നിലവിലെ ഭാരവാഹികളായിരുന്ന വി. ബാലകൃഷ്ണൻ നായർ, കുന്നത്ത് വേലായുധൻ തുടങ്ങിയവർ മത്സരരംഗത്തുണ്ടായിരുന്നു.
