പുള്ളന്നൂർ ഗവ. എൽ.പി സ്കൂൾ കെട്ടിടം പി.ടി.എ റഹീം എം.എൽ.എ ഉദ്ഘാടനം ചെയ്തു
പുള്ളന്നൂർ ഗവ. എൽ.പി സ്കൂളിന് വേണ്ടി പുതുതായി നിർമിച്ച കെട്ടിടത്തിന്റെ ഉദ്ഘാടനം പി.ടി.എ റഹീം എം.എൽ.എ നിർവഹിച്ചു.
സംസ്ഥാന സർക്കാരിന്റെ പൊതുവിദ്യാഭ്യാസ സംരക്ഷണ യജ്ഞത്തിൽ ഉൾപ്പെടുത്തി അനുവദിച്ച 28.6 ലക്ഷം രൂപ ചെലവിലാണ് പുതിയ കെട്ടിടത്തിന്റെ പ്രവർത്തി പൂർത്തീകരിച്ചത്.
അടിസ്ഥാനസൗകര്യം തീരെയില്ലാതെ പ്രയാസപ്പെട്ടിരുന്ന ഈ സ്കൂളിലെ ഭൗതിക സാഹചര്യം മെച്ചപ്പെടുത്തുന്നതിന്റെ ഭാഗമായി പി.ടി.എ റഹീം എം.എൽ.എയുടെ മണ്ഡലം ആസ്തി വികസന പദ്ധതിയിലുൾപ്പെടുത്തി അനുവദിച്ച 25 ലക്ഷം രൂപ ചെലവിൽ ഒരു നിലയിലുള്ള കെട്ടിടം നേരത്തേ നിർമ്മിച്ചിരുന്നു. പുതിയ ക്ലാസ് മുറികളുടെ നിർമ്മാണം കൂടി പൂർത്തീകരിച്ചതോടെ സ്കൂളിന്റെ ശോചനീയാവസ്ഥക്ക് പരിഹാരമായിരിക്കുകയാണ്.
ചാത്തമംഗലം ഗ്രാമപഞ്ചായത്ത് പ്രസിഡൻ്റ് ഓളിക്കൽ ഗഫൂർ അധ്യക്ഷത വഹിച്ചു. ഹെഡ്മിസ്ട്രസ് പി.ടി വസന്ത റിപ്പോർട്ട്‌ അവതരിപ്പിച്ചു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ വി.പി.എ സിദ്ദിഖ്, ഉപജില്ലാ വിദ്യാഭ്യാസ ഓഫീസർ കെ.ജെ പോൾ, വാർഡ് മെമ്പർ പി.ടി അബ്ദുറഹ്മാൻ,
പി.ടി.എ പ്രസിഡൻ്റ് എ.പി അബ്ദുൽ അസീസ്, എറോത്ത് ഉസ്മാൻ, പി.വി റഫീഖ്, സി കുഞ്ഞിമുഹമ്മദ്, കെ.സി സലാം, സുശീല താഴത്തില്ലം,
മൂഴിപുറത്ത് മൂസഹാജി, പുതിയോട്ടിൽ മുഹമ്മദാജി, കുന്നത്ത് മുഹമ്മദ് ഹാജി, കെ.കെ മുഹമ്മദ്, കുട്ടി ഹസ്സൻ മാസ്റ്റർ, ഒ.എം മൂസക്കുട്ടി, കെ. ടി അബ്ദുറഹിമാൻ ഹാജി, കെ. എം ചന്തുക്കുട്ടി,
ബീരാൻകുട്ടി മാസ്റ്റർ, പി ഹസീന, കെ.എം സ്വാമി, ടി.എം ബഷീർ, ജാബിർ കണ്ടങ്ങൽ,
അബൂബക്കർ സിദ്ദീഖ്, ഒ.എം റഷീദ്, കെ.എം സുരേഷ്, ടി.പി കബീർ, നാസർ ആനക്കാവിൽ, കെ.ടി അസീസ് സംസാരിച്ചു.
