പെരുമണ്ണ:
ബലി പെരുന്നാൾ ദിനമായിട്ടു പോലും തന്നിലേൽപ്പിക്കപ്പെട്ട ദൗത്യം ഉപേക്ഷിക്കാൻ കോഴിക്കോട്ടെ അറിയപ്പെടുന്ന ജീവകാരുണ്യ പ്രവർത്തകൻ മഠത്തിൽ അബ്ദുൽ അസീസ് തയ്യാറായില്ല.
പന്തീരാങ്കാവ് പൊലീസ് വിളിച്ചപ്പോഴേക്കും പുഴുവരിച്ച നിലയിലുള്ള മൃതദേഹം മോർച്ചറിയിലെത്തിക്കാൻ അസീസ് ഓടിയെത്തി. വെള്ളായിക്കോട് കുന്നുമ്മൽ കണ്ണൻ - ലക്ഷ്മി ദമ്പതികളുടെ മകൻ സുനിൽ കുമാർ (43) നെ തൂങ്ങി മരിച്ച നിലയിൽ കണ്ടെത്തുകയായിരുന്നു. പന്തീരാങ്കാവ് പൊലീസ് ഇൻക്വസ്റ്റ് നടത്തിയ മൃതദേഹം മോർച്ചറി യിൽ സൂക്ഷിച്ചു. തിങ്കളാഴ്ച പോസ്റ്റ്മോർട്ടത്തിന് ശേഷം ഉച്ചയോടെ സംസ്കാരം നടത്തും
