ചുള്ളിക്കാപറമ്പ് സ്കൂളിൽ രക്ഷാകർതൃ സമിതിക്ക് പുതിയ സാരഥികൾ.
ചെറുവാടി ചുള്ളിക്കാപറമ്പ് തേലീരി മുഹമ്മദ് സാഹിബ്‌ സ്മൃതി ഗവണ്മെന്റ് എൽ പി സ്കൂളിൽ പുതിയ അധ്യാപക രക്ഷാകർതൃ സമിതി ഭാരവാഹികളെ തെരഞ്ഞെടുത്തു.
പി ടി എ ജനറൽ ബോഡി യോഗത്തിൽ ഹെഡ്മിസ്ട്രെസ് നഫീസ ടീച്ചർ പങ്കെടുത്തവരെ അഭിവാദ്യം ചെയ്തു.
കൊടിയത്തൂർ ഗ്രാമ പഞ്ചായത്ത്‌ പതിനാലാം വാർഡ് മെമ്പർ കെ ജി സീനത്ത് പരിപാടി ഉത്ഘാടനം ചെയ്തു.പി ടി എ പ്രസിഡന്റ്‌ അബ്ദുൽ അസീസ് അധ്യക്ഷനായി.സ്കൂൾ മാനേജ്മെന്റ് കമ്മിറ്റി ചെയർമാൻ അബ്ദുസ്സലാം ചാലിൽ റിപ്പോർട്ട്‌ അവതരിപ്പിച്ചു.മാതൃസമിതി ചെയർ പേഴ്സൺ ഫസീല,പി ടി എ കൺവീനർ സാറ ടീച്ചർ എന്നിവർ പങ്കെടുത്തു. വിദ്യാഭ്യാസ പ്രവർത്തകൻ
പി അബ്ദുറഹിമാൻ മാസ്റ്റർ മോട്ടിവേഷൻ ക്ലാസ്സെടുത്തു.
പി ടി എ പ്രസിഡന്റായി സി പി ഷമീറിനെയും വൈസ് പ്രസിഡന്റായി കെ ടി അബ്ദുല്ലത്തീഫിനേയും എസ് എം സി ചെയർമാനായി അബ്ദുസ്സലാം ചാലിലിനെയും വൈസ് ചെയർമാനായി സി പി കബീറിനെയും രക്ഷാകർതൃ അംഗങ്ങൾ തെരഞ്ഞെടുത്തു
സ്കൂളിന്റെ ഭൗതിക സാഹചര്യങ്ങൾ മെച്ചപ്പെടുത്താനുള്ള പദ്ധതികളെ പറ്റി യോഗം ചർച്ച ചെയ്തു.
