ട്രാഫിക് കോൺവെക്സ് മിറർ സ്ഥാപിച്ചു.
പെരുവയൽ:
കൊടശ്ശേരിത്താഴം - പാച്ചാക്കൽ റോഡിൽ നിന്ന് പെരുവയൽ - പള്ളിത്താഴം റോഡിലേക്ക് കയറുന്ന ടി ജംഗ്ഷനിൽ 'ഉദയം സ്വയം സഹായ സംഘം കൊടശ്ശേരിത്താഴം' ട്രാഫിക് കോൺവെക്സ് മിറർ സ്ഥാപിച്ചു. റോഡ് നവീകരണത്തിന് ശേഷം പള്ളിത്താഴം ഭാഗത്ത് നിന്ന് വേഗത്തിൽ വരുന്ന വാഹനങ്ങളെ കാണാൻ കഴിയാത്തതിനാൽ ഏറെ അപകട സാധ്യതയുള്ള ഈ ഭാഗത്ത് കണ്ണാടി സ്ഥാപിക്കൽ വളരെ അത്യാവശ്യമായിരുന്നു. സംഘം പ്രസിഡണ്ട് ശ്രീ. കുഞ്ഞുമുഹമ്മദ് കറുത്തേടത്ത്, സെക്രട്ടറി ശ്രീ. വിഘ്നേശ്വരൻ , ട്രഷറർ ശ്രീ.സുരേഷ്കുമാർ കേശേരിഎടത്തിൽ എന്നിവർ നേതൃത്വം നൽകി. സംഘത്തിലെ മുഴുവൻ അംഗങ്ങളും പങ്കെടുത്തു.
