സൗഹൃദങ്ങളുടെ പാലം പണിയാം
സാമൂഹിക ബന്ധങ്ങൾ ചേർത്തു പിടിക്കാം.
മടവൂർ പഞ്ചായത്ത്‌ മുസ്ലിം യൂത്ത് ലീഗിൻ്റെ "ഈദ് ഗിഫ്റ്റ്" 35 വർഷം തുടർച്ചയായി ശബരിമല തീർത്ഥാടനം നടത്തിയ പ്രശസ്ത പാരമ്പര്യ വൈദ്യൻ ഹരിദാസൻ വൈദ്യർക്ക്‌ മുസ്ലിം യൂത്ത് ലീഗ് ജില്ലാ കമ്മിറ്റി അംഗം റാഫി ചെരച്ചോറ കൈമാറി.
പഞ്ചായത്ത്‌ മുസ്ലിം യൂത്ത് ലീഗ് പ്രസിഡണ്ട് അൻവർ ചക്കാലക്കൽ, ജനറൽ സെക്രട്ടറി മുനീർ പുതുക്കുടി, ട്രഷറർ അസ്ഹറുദ്ദീൻ കൊട്ടക്കാവയൽ, റിയാസ് മടവൂർ തുടങ്ങിയവർ സംബന്ധിച്ചു.
ആഘോഷങ്ങൾ പോലും കലാപങ്ങളുടെ കാരണമാക്കുന്ന ഉത്തരേന്ത്യൻ കാഴ്ചകളുടെ ഈ അപകട കാലത്ത്, പരസ്പരം അകൽച്ചകൾ സൃഷ്ടിച്ച് സാമൂഹിക ജീവിതത്തിൽ അപരവൽക്കരണം നടത്തുന്ന ഈ സമയത്ത്, ഓരോ വിശ്വാസങ്ങളും നില നിർത്തികൊണ്ട് തന്നെ എല്ലാവരുമായും സൗഹൃദങ്ങൾ സൂക്ഷിക്കാമെന്ന ബോധ്യങ്ങൾ യുവതലമുറയിൽ ഉണ്ടാക്കിയെടുക്കുക എന്ന ലക്ഷ്യം മുൻനിർത്തി കൊണ്ട്
മുസ്ലിം യൂത്ത് ലീഗ് കോഴിക്കോട് ജില്ലാ കമ്മിറ്റിയാണ് ബലിപെരുന്നാൾ ദിനത്തിൽ ഈദ് ഗിഫ്റ്റ് പരിപാടി ആവിഷ്ക്കരിച്ചത് .
