സമുദായം വാട്സാപ്പ് ഗ്രൂപ്പിലെ അംഗങ്ങളുടെ വിദ്യാർത്ഥികളെ 2022 ജൂലൈ 31 ഞായറാഴ്ച ഉച്ചയ്ക്ക് രണ്ടുമണിക്ക് കുറ്റിക്കാട്ടൂർ വ്യാപാരി ഭവൻ ഓഡിറ്റോറിയത്തിൽ വെച്ച് ആദരിക്കുന്നു.
ഈ കഴിഞ്ഞ എസ്എസ്എൽസി പരീക്ഷയിലും പ്ലസ് ടു പരീക്ഷകളിലും മദ്രസ പൊതു പരീക്ഷകളിലും ഉന്നത വിജയം നേടിയ വിദ്യാർത്ഥികളെയാണ് ആദരിക്കുന്നത്.
വിദ്യാർത്ഥികൾക്കും രക്ഷിതാക്കൾക്കും കരിയർ ഗൈഡൻസ് ക്ലാസും സംഘടിപ്പിച്ചിട്ടുണ്ട്.
കുന്നമംഗലം നിയോജകമണ്ഡലം എംഎൽഎ അഡ്വക്കേറ്റ് പിടിഎ റഹീം ഉദ്ഘാടന കർമ്മം നിർവഹിക്കും.
ചടങ്ങിൽ ചരിത്രത്തിൽ ആദ്യമായി എസ്എസ്എൽസി പരീക്ഷയിൽ 100% വിജയം നേടിയ കുറ്റിക്കാട്ടൂർ ഗവൺമെൻറ് ഹയർ സെക്കൻഡറി സ്കൂളിനുള്ള ഉപഹാര ചടങ്ങുകളും ഉള്ളതായി ഭാരവാഹികൾ അറിയിച്ചു.
2013 ലാണ് സമുദായം വാട്സപ്പ് ഗ്രൂപ്പ് ക്രിയേറ്റ് ചെയ്തിട്ടുള്ളത്.
ആദ്യകാലത്ത് ഇസ്ലാമിക് ഗ്രൂപ്പ് എന്നായിരുന്നു. പിന്നീട് ഗ്രൂപ്പുകളിൽ അംഗങ്ങളുടെ എണ്ണം കൂടിയതോടെ 2015ലാണ് സമുദായം എന്ന വാട്സപ്പ് ഗ്രൂപ്പിന് പേരുകൾ നൽകിയത്.
9 വർഷത്തോളമായി ഈ വാട്സ്ആപ്പ് ഗ്രൂപ്പ് പ്രവർത്തിച്ചു പോരുന്നു.
ഇപ്പോൾ ഗ്രൂപ്പിൽ 450 ഓളം പേർ ഉണ്ട്.
നൂറോളം വിദ്യാർത്ഥികൾ അനുമോദന ചടങ്ങിൽ എത്തുമെന്ന് ഭാരവാഹികൾ അറിയിച്ചിട്ടുണ്ട്.
