DRS മനന്തലപ്പാലത്തിൻ്റെ ആഭിമുഖ്യത്തിൽ സംഘടിപ്പിച്ച സ്വാതന്ത്ര്യ ദിനാഘോഷ ചടങ്ങിൽ മൂഖ്യാതിഥിയായി പ്രമുഖ ഗാന്ധിയനും സമര സേനാനിയുമായ തായാട്ട് ബാലൻ പതാക ഉയർത്തിയ ശേഷം നടത്തിയ സ്വതന്ത്ര്യ ദിന സന്ദേശത്തിൽ സ്വാതന്ത്ര്യ സമര പോരാട്ടങ്ങളിൽ കേരളത്തിന്റെ വിപ്ലവ ജ്വാലയായിരുന്നു കേളപ്പജിയെന്നും അദ്ദേഹത്തിന്റെ കൂടെ പ്രവർത്തിക്കാനായതിൽ ഏറെ അഭിമാനമുണ്ടെന്നും തായാട്ട് ബാലൻ അഭിപ്രായപ്പെട്ടു. തലശ്ശേരിയിൽ വെച്ച് ഗാന്ധിജിയെ ഒരു നോക്ക് കാണാൻ കഴിഞ്ഞത് ജീവിതത്തിലെ അവിസ്മരണീയ മുഹൂർത്തങ്ങളിലൊന്നാണെന്നും അദ്ദേഹം പറഞ്ഞു.ചടങ്ങിൽ DRS പ്രസിഡണ്ട് സി.പി. മമ്മു ഹാജി അദ്ധ്യക്ഷത വഹിച്ചു.തായാട്ട് ബാലന പ്രസിഡണ്ട് സി.പി. മമ്മു ഹാജി പൊന്നാട അണിയിച്ച് ആദരിച്ചു.
ദിനാഘോഷ ചടങ്ങിൽ ഫ്രാൻസിസ് റോഡ് മേഖലയിലെ വിവിധ അംഗനവാടികളുടെ കുട്ടികളും പങ്കെടുത്തു.
വി.കെ.വി. റസാഖ്,കെ.വി.ഇസ്ഹാഖ്, പി.ടി. ഗഫൂർ, എ.ടി.അബ്ദു , സി. അനൂപ്,ഇബ്രാഹിം വക്കാസ്,ഹംസക്കോയ എന്നിവർ സംസാരിച്ചു.
എം.വി. റംസി ഇസ്മായിൽ സ്വാഗതവും, ജനറൽ സെക്രട്ടറി ഷഹദാബ് മുഹമ്മദ് നന്ദിയും പറഞ്ഞു.
