ഹിമായത്തുൽ ഇസ്ലാം ഹയർ സെക്കൻഡറി സ്കൂളിൽ
എഴുപത്തിയഞ്ചാം സ്വാതന്ത്ര്യ ദിന പരിപാടികൾ വിപുലമായി ആഘോഷിച്ചു.
ഇന്ത്യയുടെ എഴുപത്തിയഞ്ചാം സ്വാതന്ത്യ ദിനത്തിന്റെ ഭാഗമായി ഹിമായത്തുൽ ഇസ്ലാം ഹയർസെക്കൻഡറി സ്കൂളിൽ
പ്രമുഖ വ്യക്തികളുടെ സാന്നിധ്യത്തിൽ സ്കൂൾ മാനേജ്മെൻറ് കമ്മിറ്റി പ്രസിഡണ്ട് സിഎ ഉമ്മർ കോയ പതാക ഉയർത്തുകയും
സ്വന്തന്ത്ര്യ ദിന സന്ദേശം നൽകുകയും ചെയ്തു.
മൂന്ന് ദിവസങ്ങളിലായാണ് പരിപാടികൾ സംഘടിപ്പിച്ചത്. ചിത്രരചന, പ്രസംഗ മത്സരം, ക്വിസ് മത്സരം തുടങ്ങിയ പരിപാടികളാണ് നടത്തിയത്.
പുതുതായി ജെ ആർ സി യിലേക്ക് കടന്നുവന്ന കേഡറ്റുകൾക്ക് സ്കാർഫ് അണിയിക്കൽ ചടങ്ങും നടന്നു.
എൻസിസി കേഡറ്റുകളുടെ വിളംബര ജാഥ വളരെ ശ്രദ്ധേയമായിരുന്നു.
മാനേജ്മെൻറ് കമ്മിറ്റിയംഗം പ്രസിഡണ്ട് സി എ ഉമ്മർകോയ ഫ്ലാഗ് ഓഫ് കർമ്മം നിർവഹിച്ചു.
സ്കൂളിലെ മുഴുവൻ വിദ്യാർഥികളും ഇന്നത്തെ ചടങ്ങിൽ എത്തിയിരുന്നു.
യുപി ഹൈസ്കൂൾ ഹയർ സെക്കൻഡറി ക്ലാസുകളിൽ പഠിച്ചുകൊണ്ടിരിക്കുന്ന വിദ്യാർത്ഥികളുടെ വിവിധയിനം കലാപരിപാടികൾ സ്റ്റേജിൽ അരങ്ങേറി.
സ്കൂളിൽ നടന്ന വിവിധ ഇനം പരിപാടികളിൽ ഒന്നും രണ്ടും സ്ഥാനം നേടിയവർക്ക് പ്രോത്സാഹന സമ്മാനങ്ങളും ആദരിക്കൽ ചടങ്ങും നടത്തി.
സ്കൂൾ പ്രിൻസിപ്പാൾ ടിപി മുഹമ്മദ് ബഷീർ സ്വാഗതവും, പിടിഎ പ്രസിഡണ്ട് എസ്പി സലിം അധ്യക്ഷതയും നിർവഹിച്ചു.
സ്റ്റാഫ് കൗൺസിൽ സെക്രട്ടറിമാരായ പി കെ അബ്ദുൽസലാം, എ എം നൂറുദ്ദീൻ മുഹമ്മദ്, പ്രധാന അധ്യാപകൻ വി കെ ഫൈസൽ, പിടിഎ വൈസ് പ്രസിഡണ്ട് പി എം വലിത്,
എ കെ അഷ്റഫ്, കെ പി സാജിദ്, കായിക അധ്യാപകനായ സി ടി ഇല്ല്യാസ്, തുടങ്ങിയവർ ആശംസകൾ അർപ്പിച്ചു സംസാരിച്ചു.
ഫോട്ടോ:
സ്വാതന്ത്ര്യദിനാഘോഷത്തിന്റെ ഭാഗമായി എൻസിസി കേഡറ്റുകളുടെ വിളംബര ജാഥ ഫ്ലാഗ് ഓഫ് കർമ്മം സ്കൂൾ മാനേജ്മെൻറ് കമ്മിറ്റി പ്രസിഡണ്ട് സി എ ഉമ്മർ കോയ നിർവഹിക്കുന്നു.
