മാവൂർ ഗ്രാമപഞ്ചായത്തും കെ.എം.ജി.മാവൂരും സംയുക്തമായി പ്രതിഭകളേയും ജവാൻമാരേയും ആദരിച്ചു.
മാവൂർ ഗ്രാമ പഞ്ചായത്തും കെ.എം.ജി മാവൂരും സംയുക്തമായി പഞ്ചായത്തിലെ മുഴുവൻ പ്രതിഭകളേയും ധീര ജവാന്മാരേയും രാജ്യത്തിന് വേണ്ടി ജീവൻ ബലിയർപ്പിച്ച ജവാൻ കെ സുനിൽകുമാറിൻ്റെ ഓർമ്മക്കായി അദ്ദേഹത്തിൻ്റെ മാതാവിനേയും ആദരിച്ചു.
രാജീവ് ഗാന്ധി കൺവെൻഷൻ ഹാളിൽ നടന്ന ചടങ്ങിൽ ഗ്രാമ പഞ്ചായത്ത് പ്രസിഡണ്ട് ടി രഞ്ജിത്ത് ഉൽഘാടനം നിർവ്വഹിച്ചു.വിദ്യാർത്ഥികൾക്കും രക്ഷിതാക്കൾക്കുമായി രമ്യ ശങ്കർ മോട്ടിവേഷൻ ക്ലാസ്സെടുത്തു. ഗ്രാമ പഞ്ചായത്ത് വൈസ് പ്രസിഡണ്ട് ജയശ്രീ ദിവ്യപ്രകാശ് അദ്ധ്യക്ഷത വഹിച്ചു.ഡി. വൈ.എസ്.പി.കുഞ്ഞിമോയിൻ കുട്ടി,പഞ്ചായത്തംഗങ്ങളായ ടി.ടി.അബ്ദുൽ ഖാദർ, ശുഭാ ശൈലേന്ദ്രൻ, കെ.അപ്പു കുഞ്ഞൻ എന്നിവർ പ്രസംഗിച്ചു. കെ.എം.ജി പ്രസിഡണ്ട് നൗഷാദ് പി.എം സ്വാഗതവും സെക്രട്ടറി ടി.ജിനു നന്ദിയും പറഞ്ഞു.
