ഹിമായത്തുൽ ഇസ്ലാം ഹയർസെക്കൻഡറി സ്കൂളിലെ ക്ലാസ് ലീഡർ തെരഞ്ഞെടുപ്പ് ശ്രദ്ധേയമായി
ഹിമായത്തുൽ ഇസ്ലാം ഹയർസെക്കൻഡറി സ്കൂളിൽ ഒന്നു മുതൽ പത്തു വരെ പഠിച്ചുകൊണ്ടിരിക്കുന്ന വിദ്യാർത്ഥികളിൽ നിന്നും ക്ലാസ്സ് ലീഡറെ തെരഞ്ഞെടുക്കുന്നതിനായി തെരഞ്ഞെടുപ്പ് മാതൃകയിൽ സജ്ജീകരണങ്ങൾ ഒരുക്കി.
ഒരു ഇലക്ഷൻ നടക്കുന്ന സമയത്ത് ഇലക്ഷൻ ഡ്യൂട്ടിക്ക് വരുന്ന ഉദ്യോഗാർത്ഥികൾക്ക് എന്തെല്ലാം ഡ്യൂട്ടികളാണ് ഉള്ളതെന്ന് മനസ്സിലാക്കാൻ വിദ്യാർഥികൾക്ക് കഴിഞ്ഞു. ഫസ്റ്റ് പോളിംഗ് ഓഫീസർ, സെക്കൻഡ് പോളിംഗ് ഓഫീസർ, പ്രിസൈഡിങ് ഓഫീസർ, എന്നിങ്ങനെ ഓഫീസേഴ്സിനെ വിദ്യാർത്ഥികളിൽ നിന്നും തന്നെ ക്രമീകരണങ്ങൾ ഏർപ്പെടുത്തിയിരുന്നു.
സ്കൂളിലെ ലിറ്റിൽ കൈറ്റ്സിന്റെ സഹായസഹകരണത്തോടുകൂടിയാണ് തെരഞ്ഞെടുപ്പ് നടന്നിട്ടുള്ളത്. സ്കൂൾ മാനേജർ പി കെ വി അബ്ദുൽ അസീസ് ചടങ്ങ് ഉദ്ഘാടനം ചെയ്തു.
സി ടി ഇല്യാസ് സ്വാഗതവും, പ്രിൻസിപ്പാൾ ടിപി മുഹമ്മദ് ബഷീർ അധ്യക്ഷതയും നിർവഹിച്ചു. ഡെപ്യൂട്ടി ഹെഡ്മാസ്റ്റർ എ കെ അഷ്റഫ്, പിടിഎ പ്രസിഡണ്ട് എസ്പി സലിം, സ്കൂൾ സ്റ്റാഫ് കൗൺസിൽ സെക്രട്ടറി എ എം നൂറുദ്ദീൻ മുഹമ്മദ്, പി ഫൈസൽ, കെ സീന, ഓഫീസ് സൂപ്രണ്ട് എൻ എം അസ്ഹർ, തുടങ്ങിയവർ ആശംസകൾ അർപ്പിച്ച് സംസാരിച്ചു.
