മാവൂർ: ചിങ്ങം ഒന്ന് കർഷക ദിനത്തോടനുബന്ധിച്ച് ഗ്രാമപഞ്ചായത്തും മാവൂർ കൃഷിഭവനും ചേർന്ന് കർഷകരെ ആദരിച്ചു. മാവൂർ രാജീവ് ഗാന്ധി കൺവൻഷൻ സെൻററിൽ നടന്ന കർഷക ദിനാചരണം മാവൂർ ഗ്രാമപഞ്ചായത്ത് പ്രസിഡന്റ് ടി. രഞ്ജിത് ഉദ്ഘാടനം ചെയ്തു.
ഗ്രാമപഞ്ചായത്ത് വൈസ് പ്രസിഡന്റ് ജയശ്രീ ദിവ്യപ്രകാശ് അധ്യക്ഷത വഹിച്ചു. സ്റ്റാന്റിങ് കമ്മറ്റി അധ്യക്ഷരായ ശുഭ ശൈലേന്ദ്രൻ, ടി.ടി. ഖാദർ
ബ്ലോക് പഞ്ചായത്ത് മെംബർമാരായ മൈമൂന കടുക്കാഞ്ചേരി, രജിത സത്യൻ, ഗ്രാമ പഞ്ചായത്ത് മെംബർമാരായ പുലപ്പാടി ഉമ്മർ മാസ്റ്റർ, എ.പി. മോഹൻദാസ്, വാസന്തി വിജയൻ, മാവൂർ സർവ്വീസ് സഹകരണ ബേങ്ക് പ്രസിഡന്റ് മാവൂർ വിജയൻ എന്നിവർ സംസാരിച്ചു. കൃഷി ഓഫിസർ ഡോ. ദർശന ദിലീപ് സ്വാഗതവും അസിസ്റ്റന്റ് കൃഷി ഓഫീസർ പി. അനിൽകുമാർ നന്ദിയും പറഞ്ഞു.
കർഷകരും വിദ്യാർത്ഥികളും നിശ്ചലദൃശ്യങ്ങളും വാദ്യഘോഷങ്ങളും അണിനിരന്ന വിളംബര ഘോഷയാത്ര മാവൂർ കൃഷിഭവനിൽനിന്ന് ആരംഭിച്ച് മാവൂർ കൺവെൻഷൻ സെൻ്ററിൽ സമാപിച്ചു.
