മാവൂര്‍ എന്‍.ഐ.ടി കൊടുവള്ളി റോഡ് സ്ഥലമെടുപ്പ്
സര്‍ക്കാര്‍ ഉത്തരവായി
മാവൂര്‍ എന്‍.ഐ.ടി കൊടുവള്ളി റോഡ് നവീകരണത്തിന് സ്ഥലം ഏറ്റെടുക്കാന്‍ അനുമതി നല്‍കിക്കൊണ്ട് സര്‍ക്കാര്‍ ഉത്തരവായതായി പി.ടി.എ റഹീം എം.എല്‍.എ അറിയിച്ചു. മാവൂര്‍, പൂളക്കോട്, ചാത്തമംഗലം, കൊടുവള്ളി വില്ലേജുകളിലായി 94.65 ആര്‍സ് സ്ഥലമാണ് റോഡിന് വേണ്ടി ഏറ്റെടുക്കുന്നത്.
കിഫ്ബി പദ്ധതിയില്‍ ഉള്‍പ്പെടുത്തി പ്രവൃത്തി നടത്തുന്നതിന് 52.2 കോടി രൂപയുടെ ഭരണാനുമതി നേരത്തേ ലഭ്യമാക്കിയതാണെന്നും സ്ഥലമെടുപ്പ് നടപടികള്‍ പൂര്‍ത്തിയാവുന്ന മുറക്ക് ടെണ്ടര്‍ ചെയ്ത് റോഡ് പ്രവൃത്തി ആരംഭിക്കുമെന്നും എം.എല്‍.എ പറഞ്ഞു.
