തെരുവുനായ് ആക്രമിച്ചതിനെതുടർന്ന് ബൈക്ക് മറിഞ്ഞ് രണ്ടുപേർക്ക് പരിക്ക്.

മാവുർ: 

തെരുവുനായ് ആക്രമിച്ചതിനെതുടർന്ന് ബൈക്ക് മറിഞ്ഞ് രണ്ടുപേർക്ക് പരിക്ക്. ചെറുപ്പ ചെട്ടിക്കടവ് ചെറുകടവത്ത് ഷബീർ കോയസ്സൻ (26), വട്ടക്കണ്ടി അഭിലേഷ് (26) എന്നിവക്കാണ് പരിക്കേറ്റത്. ബുധനാഴ്ച രാത്രി 10ഓടെ മാവൂർ​-കോഴിക്കോട് റോഡിൽ കൽപ്പള്ളിയിൽ കാര്യാട്ട് വളവിലാണ് സംഭവം. 

മുക്കത്തുനിന്ന് ചെറൂപ്പയിലേക്ക് വരുമ്പോൾ തെരുവ് നായ് ബൈക്കിലേക്ക് ചാടുകയായിരുന്നു. തുടർന്ന് ബൈക്ക് മറിഞ്ഞാണ് ഇരുവർക്കുംപരിക്കേറ്റത്. ഷബീറിനാണ് കൂടുതൽ പരിക്കേറ്റത്. പരിക്കേറ്റ ഇവർ ചെറുപ്പ ആശുപത്രിയിലും തുടർന്ന് സ്വകാര്യ ആശുപത്രിയിലും ചികിത്സ തേടി.