എസ്.ഐ.ഒ എൻ.ഐ.ടി ഏരിയ സമ്മേളനം
മാവൂർ:
സ്റ്റുഡൻറ്സ് ഇസ്‍ലാമിക് ഓർഗനൈസേഷൻ (എസ്.ഐ.ഒ) എൻ.ഐ.ടി ഏരിയ സമ്മേളനം മാവൂരിൽ ദേശീയ സെക്രട്ടറി റമീസ് വേളം ഉദ്ഘാടനം ചെയ്തു. ‘ഇസ്ലാം വിമോചനത്തിന്റെ പുതുലോക ഭാവന’ എന്ന പ്രമേയത്തിലാണ് സമ്മേളനം. മാവൂർ ടാക്സി സ്റ്റാൻഡിൽ ഒരുക്കിയ വേദിയിൽ നടന്ന പൊതുസമ്മേളനത്തിൽ സംസ്ഥാന സമിതിയംഗം സൽമാനുൽ ഫാരിസ് മുഖ്യപ്രഭാഷണം നടത്തി.
ഏരിയ സെക്രട്ടേറിയറ്റ് അംഗം കെ.എം. നൂറുദ്ദീൻ, ഏരിയ സെക്രട്ടറി നസീഫ് റഹ്മാൻ എന്നിവർ പ്രമേയം അവതരിപ്പിച്ചു. ജമാഅത്തെ ഇസ്‍ലാമി ഏരിയ പ്രസിഡന്റ് കെ.സി. മുഹമ്മദലി, വനിത വിഭാഗം ഏരിയ അസി. കൺവീനർ പി. സുലയ്യ, സോളിഡാരിറ്റി ഏരിയ സെക്രട്ടേറിയറ്റ് അംഗം എൻ.പി. മുഹമ്മദ് ലൈസ്, ജി.ഐ.ഒ ഏരിയ സെക്രട്ടേറിയറ്റ് അംഗം അമാന സാജിദ് എന്നിവർ സംസാരിച്ചു. എസ്.ഐ.ഒ ജില്ല സമിതി അംഗം കെ.പി. നബീൽ അധ്യക്ഷത വഹിച്ചു. ജമാഅത്തെ ഇസ്‍ലാമി മേഖല നാസിം വി.പി. ബഷീർ സമാപനപ്രസംഗം നടത്തി. ഏരിയ പ്രസിഡന്റ് ആസിഫ് കൊടിയത്തുർ സ്വാഗതം പറഞ്ഞു. തുടർന്ന് ഖവാലി നൈറ്റും നടന്നു. പാറമ്മലിൽനിന്ന് തുടങ്ങിയ വിദ്യാർഥി റാലി മാവൂരിൽ സമാപിച്ചു.
