നോക്കി നിൽക്കുകയല്ല ഇടപെടുകയാണ്:
ജനകീയ സദസ്സുകൾ ആരംഭിച്ചു
മലപ്പുറം: ലഹരി ഉപയോഗത്തിനും വിപണത്തിനും വിതരണത്തിനുമെതിരെ ഹ്യൂമൻ റൈറ്റ്സ് ഫോറം മലപ്പുറംജില്ലാ കമ്മറ്റി 'നോക്കി നിൽക്കുകയല്ല ഇടപെടുകയാണ് ' എന്ന പേരിൽ ജില്ലയുടെ വിവിധ ഭാഗങ്ങളിലായി നടത്താനിരിക്കുന്ന ആയിരം ജനകീയ സദസ്സുകളുടെ ഉദ്ഘാടനം മലപ്പുറം നഗരസഭ കൗൺസിലർ സി.സുരേഷ് ഉദ്ഘാടനം ചെയ്തു. പ്രസിഡണ്ട് നാസർ ഒതുക്കുങ്ങൽ അധ്യക്ഷത വഹിച്ചു. മലപ്പുറം ബ്ലോക്ക് പഞ്ചായത്ത് മെമ്പർ പി.എ ജലീൽ മാസ്റ്റർ, കെ.വി. ബാലസുബ്രഹ്മണ്യൻ , അൽത്താഫ് പമ്മന, മുഹമ്മദലി മലപ്പുറം , മൊയ്തീൻ പെരിന്തൽമണ്ണ, മുരളീധർ കൊല്ലത്ത് , ഏ.ജെ.ആൻറണി, പി.എൻ. ബി മലപ്പുറം, മുഹ്സിൻ പഞ്ചിളി, അസീസ് ഖാൻ മഞ്ചേരി, മൻസൂർ കോയ തങ്ങൾ, ഹേമ ചുള്ളിക്കോട്, മൊയ്തീൻ കോട്ടക്കൽ, മുസ്തഫ ടി ടി, ഫാത്തിമ പടപ്പറമ്പ്, അക്മൽ പൊന്മള തുടങ്ങിയവർ പ്രസംഗിച്ചു
